L'abbé Detbertus et les moines de Saint-Serge se mettent d'accord avec Horricus Rufus au sujet de ce qui a été ou sera donné et vendu de son fief à Saint-Serge et à Saint-Maurille de Chalonnes ; les moines lui donnent un cheval de 4 livres de deniers.

l.1 Pietate sua Deus corda suorum fidelium semper ad altiora extollit, et a cunctis terrenis sordibus emundat ut liberi et expediti valeant regna cȩlestia con-
l.2-scendere et cum Christo jugiter regnare. Quamobrem notum fore volumus omnibus sanctae Dei ecclesiae cultoribus quod domnus Detbertus Sancti Sergii abbas et cȩ-
l.3-teri monachi ob firmae et stabilis constantiae robur cum Horrico Rufo hanc fecerunt concordiam de omnibus illis rebus quae donatae erant vel venditae Sancto
l.4 Sergio et Sancto Maurilio de Calomna de suo foevo, et erunt amodo per succedentia tempora quamdiu seculum istud duraverit, tam in terris quam in vineis et in pratis
l.5 et in decimis et in omnibus ȩdificiis vel in omnibus insuper rebus unam mansuram terrae valentibus. Sane pro hac concessione dederunt ei monachi unum equum valentem
l.6 quatuor libras denarorium. Poro si aliquod ȩdificium ex supranominatis quod ultra nominatam mansuram valeat monachis excreverit vel datum aut venditum
l.7 fuerit Horrico suggerant, et si illi placuerit convenienter a monachis aliquid accipiat, uti frater et amicus. Fecit autem hanc concessionem Horricus pro redemptione animae
l.8 suae et patris sui Rogerii sueque matris Rentiae, et uxoris suae Oraviae, et filiorum suorum, atque filiarum et pro cunctis successoribus suis qui suam hȩreditatem post ullum
l.9 tenebunt. Et habuit Oravia pro hac concessione quinque solidos denariorum, filii quoque Horrici, Petrus, Balduinus, et Willelmus concesserunt. Quando ille haec concessit habebant
l.10 monachi dimidiam ecclesiam de Luinniaco id est medietatem altaris et sepulturae et decimae, et unum arpentum prati quae dedit Sigebrannus filius Hatonis quando factus est monacus.
l.11 Annuit quoque quandam bordariam terrȩ quam Eudo filius Otbranni dimisit Sancto Maurilio ad Album Spinetum. Concessit quoque unam bordariam terrȩ de Otbranno Mirebello. Aliam necnon
l.12 bordariam terrȩ concessit de Vaslono privinno Rainaldi Guionis, et census de molendinis de Vir. Testes hujus conventionis hii sunt : Walterius presbiter, Adelelmus de
l.13 Surrino, Detbertus, Frotoardus, Tetbaldus parvus, Gaufridus de Bosco, Willelmus de Doleto, Salomon, Gaufridus filius Alberici, Willelmus nepos
l.14 Walterii, Adam, Guarinus frater Adelelmi.