Geoffroi II, évêque d'Angers, confirme un accord conclu entre les héritiers du chevalier Sigebrand, Suhard et son fils Arcturus, et les moines de Saint-Nicolas d'Angers à propos de redevances dues à leur prieuré de Cheffes, depuis la donation faite par Hubert Ragot sous le comte Geoffroi le Barbu, mais qui leur avaient été enlevées en faveur dudit chevalier par Étienne, vicomte du Lude.

l.1 Goffredus, Dei gratia Andegavensis episcopus, presentibus et futuris ad quorum manus hec scripta pervenerint, a Deo consequi
l.2 salutem et gratiam. Notum sit cunctis fidelibus quod servitores ȩcclesiȩ Sancte Mariȩ de Caphia solebant habere totam decimam
l.3 quȩ pertinebat ad honorem Caphiȩ, ex dono Huberti Ragoti qui ipsam ȩcclesiam dederat monachis Sancti Nicholai, cum
l.4 omnibus pertinentiis, et decimis suis, et aliis tenementis, quȩ cuncta Goffredus Barbatus comes Andegavensis sancto Ni-
l.5-cholao in perpetuum possidenda litteris suis et sigillo firmavit. Sed quia variante tempore sepe mutantur et leges,
l.6 Huberto defuncto cum Stephanus vicecomes Ludii et Stephano Hubertus ejus filius in honorem Caphiȩ jure heredi-
l.7-tario successisset, Stephanus quidem omnem decimam monachis abstulit, et cuidam suo militi Sigebrando nomine
l.8 dedit. Qui Sigebrandus cum eam aliquandiu tenuisset, infirmitate pressus iram Dei pertimuit, et ex parte
l.9 quidem quod male fecerat emendavit. Statuit ergo et tenuit quamdiu vixit, ut singulis annis duos modios
l.10 segulȩ servitoribus ȩcclesiȩ daret, et si tantum segulȩ non haberet pro tribus minis segulȩ unum sextarium
l.11 frumenti, vel tres minas avenȩ aut boni ordei pro uno sextario segule redderet. Hoc Sigebrandus quamdiu
l.12 vixit fideliter tenuit, et omnes heredes suos qui hoc statutum frangerent maledixit. Quo defuncto,
l.13 Suhardus filius ejus et heres et Arcturus ejusdem Suhardi filius in nostram presentiam venientes omnes predictas
l.14 pactiones monachis concesserunt, et insuper dederunt eis decimam carrucȩ sue dominice de Ponte Mirgot,
l.15 sine parte presbiteri, et omnes consuetudines quitas de vinea Pontis de Mirgot, et etiam censum, et totam decimam de
l.16 toto fevo Raginaldi Mandrosi tam de animalibus quam de omnibus rebus de quibus decima datur. Aderant
l.17 monachi predictam cartam Goffredi comitis tenentes in manibus, et de violentia olim sibi facta, et de infractione
l.18 rerum possessarum graviter reclamantes. Tandem hunc finem res habuit quod monachi redditiones istas
l.19 tali modo reciperent, quatinus de his que carta comitis continebat nichil omnino remitterent, si eas aliquo
l.20 modo et tempore per justiciam recuperare possent. Nos vero has pactiones et dona sicut in nostra presentia factum est mona-
l.21-chis Sancti Nicholai benigne concedimus, et litterarum nostrarum auctoritate et sigillo firmanus. Testes
l.22 laici, Goffridus de Brioleto, Gislebertus, Johannes vicarius, Meinardus Gandon, Rogerius de Molendinis et alii multi.
l.23 Clerici testes, Rotbertus decanus, Goffredus archidiaconus, Rainaldus archidiaconus, Goffredus cantor, Petrus, Hubertus, Johannes, Albertus canonici. Datum
l.24 hoc scriptum idus augusti. /SIG/