Notice de l'accord intervenu entre la Trinité de Vendôme et Saint-Aubin au sujet du prieuré de Saint-Clément de Craon sur lequel cette dernière abbaye renonce à toutes ses prétentions, moyennant le paiement de deux cents livres ; notice suivie de la ratification du chapitre de Saint-Aubin.

l.1 Notum sit omnibus tam futuris quam prȩsentibus sanctȩ Dei ȩcclesiȩ fidelibus, quod Orricus Sanctȩ Trinitatis ȩcclesiȩ abba de
l.2 Vindocino, atque Otbrannus Sancti Albini Andegavensis abba, Carnotum pariter venerunt ante presentiam cardinalis
l.3 Romani, domni videlicet Geraldi Ostiensis episcopi, ut ibi juste terminaretur contentio quam inter se diu habuerant
l.4 de ȩcclesia Credonensi Sancti Clementis, quam uterque ad suum monasterium jure pertinere, conabatur astruere. Quȩ dissensio
l.5 cum nec ibi finiri potuisset, prefatum cardinalem pro eadem causa Parisius secuti sunt, ut saltem in concilio quod ibi
l.6 determinatum erat, finem consequeretur predicta contentio. Sed cum nichilomagis ibi promovissent, Carnotum pariter
l.7 cum domno Arraldo ipsius sedis episcopo redeuntes, ipso mediatore ad hanc concordiam de predicta causa tandem venerunt,
l.8 ut Otbrannus abba Sancti Albini Andegavensis ducentas libras denariorum Andegavensium terminis constitutis ab
l.9 Orrico Sanctȩ Trinitatis abbate reciperet, pro dimittenda calunnia quam habebat in ȩcclesia Credonensi Sancti Clementis.
l.10 Factum est autem hoc ex consensu omnium quos secum habebant tam laicorum quam monachorum, eo tamen tenore, ut si infra
l.11 terminos constitutos pecuniȩ persolvendȩ abbatum alteruter decideret, ȩcclesia tamen Vindocinensis Sanctȩ Trinitatis
l.12 predictam pecuniam persolveret ȩcclesiȩ Sancti Albini Andegavensis, ea tamen conditionis lege, ut predictus abbas Otbrannus
l.13 hoc ipsum in capitulo Sancti Albini ex assensu fratrum omnium ac totius familiȩ ratum faceret. Quod ut firmum et
l.14 inconvulsum maneret, litterarum memoriȩ tradi voluerunt, et in capitulo Carnotensis ȩcclesiȩ,
l.15 nequando lis sopita revivisceret, unanimiter confirmaverunt. [colonne1] S. Adraldi episcopi Carnotensis ȩcclesiȩ. S. INGELRANNI DECANI. S. Arnulfi cantoris. S. Adelardi subdecani. S. Hildegarii archidiaconi. S. Rotberti archidiaconi. S. Gauslini canonici. S. Fulcherii filii Girardi. S. Odonis succentoris. S. Herberti presbiteri. S. Ascelini presbiteri. S. Bernerii presbiteri. S. Haldrici presbiteri. S. Radulfi diaconi. S. Osberti presbiteri. S. Sanzoni diaconi. [colonne2] S. Otbranni abbatis Sancti Albini. S. Gausfridi monachi. S. Fulcradi monachi. S. Girardi monachi. S. Achardi monachi. S. Gausberti monachi. [colonne3] Hii ex familia Sancti Albini. S. Hildonis famuli. S. Frotmundi famuli. S. Johannis famuli. S. Ademari famuli. S. Johannis famuli. S. Hilarii famuli. S. Gausfridi famuli. S. Hilarii famuli. S. Guillelmi presbiteri. S. Gausfridi decani. [colonne4] S. Orrici abbatis Sanctȩ Trinitatis. S. Vitalis monachi. S. Hilarii monachi. S. Frotmundi monachi. [colonne5] Hii ex familia Sanctȩ Trinitatis. S. Fulberti famuli thelonearii. S. Savarici famuli. S. Fulcherii famuli. S. David famuli. S. Johannis famuli. S. Harduini famuli. S. Rainfredi famuli. S. Beringerii decani. S. Ermenrici presbiteri.
l.16 ANNO AB INCARNATIONE DOMINI MLXXII.
l.17 In ipsa sinodo fecerunt primo monachi Sancti Sergii vel monachus Adelardus
l.18 clamorem de Campiniaco adversus abbatem Sancti Albini. CYROGRAPHUM.