Raoul II, archevêque de Tours, appelé par l'évêque d'Angers Renaud à participer au plaid qu'avaient convoqué le comte Foulques le Réchin et Geoffroi son fils, à propos de la forêt des Echats, confirme l'authenticité du diplôme de Charlemagne qui accorde à Saint-Aubin la possession de ladite forêt.

l.1 RADULFUS DEI GRATIA TURONORUM ARCHIEPISCOPUS, DILECTO FRATRI GERARDO ABBATI
l.2 congregationique Sancti Albini, eorumque successoribus substituendis in perpetuum. Notum fieri volumus tam futuris quam pre-
l.3-sentibus concordiam quȩ inter monachos Sancti ALBINI Sanctique NICHOLAI facta fuerat de nemore de Chatiis, quendam Sancti
l.4 ALBINI monachum fugitivum voluisse si posset cum suis instigatoribus interturbare. Hic vero arte diabolica seductus, instinctu quorumdam cleri-
l.5-corum Andegavensium, comitem Fulconem ejusque filium Gaufridum adiit, cartam illam regiis manibus corroboratam, qua nemus prefatum monachi Sancti ALBINI
l.6 adquisierant, eis furtim sublatam, comitibus presentavit, falsamque se probaturum promisit. Quod comites animadvertentes, cupiditate ammoniti, tam abbatem quam mo-
l.7-nachos in placitum venire compulerunt, tali occasione ab eis summam pecuniȩ extorquere cupientes. Unde dilectus confrater noster Reginaldus Andegavensis
l.8 episcopus, cum abbate et monachis, nos cum quibusdam nostris tam episcopis quam abbatibus ad placitum convocavit. Nos vero die statuta in presentia comitum affuimus,
l.9 neminem accusatorem, nec monachum figitivum, nec alios, licet eis sub anathemate preciperemus, ad sue falsitatis comprobationem habuimus. Nobis vero adhuc con-
l.10-ventui illi assidentibus, abbas Sancti ALBINI cum duobus monachis se juraturum cartam illam veram esse obtulit. Nos vero et comites cum toto conventu verba abbatis
l.11 pro sacramento habentes, eum sedere fȩcimus, et ut deinceps querela illa in perpetuum sopiretur, ex habundanti sacramentum monachorum suscepimus. Unde nos tam suffraganei nostri
l.12 episcopi quam abbates cartam illam veram esse collaudavimus, et eos qui hanc causam ad dampnum sancti Albini de cetero suscitarent, excommunicavimus, hoc idem comitibus tam
l.13 patre et filio cum suis qui presentes aderant, collaudantibus. Hujus causȩ definitioni interfuerunt episcopi, Hildebertus Cenomannensis, Reginaldus Andegavensis, Marbodus
l.14 Redonensis, abbates, Johannes Sancti Juliani Turonensis, Hilgotus Sancti MARTINI Majoris Monasterii, Baldricus Burguliensis, GUILLELMUS Salmuriensis, Gualterius Sancti Sergii. De
l.15 ecclesia Sancti Mauricii, Ricardus decanus, Stephanus precentor, archidiaconi Hubertus et Guillelmus, Gaufridus magister scolarum, Albericus capellanus. De parte comi-
l.16-tum, Hubertus de Campania, Abbo de Briolio, Goffridus frater ejus, Normannus de Monte Revello, Fulco Ursonis filius, Ricardus de Sancto Quintino,
l.17 Burcardus de Graio, Radulfus de Potinaria. Actum est Andegavi, anno
l.18 ab incarnatione Domini millesimo CoIIIIo, indictione XIIa, regnante Philippo rege [sceau].

BERTRAND de BROUSSILLON (Arthur), Le Cartulaire de l'abbaye de Saint-Aubin d'Angers, 2 vol., Angers, 1896-1899, t. 2, p. 130-131, n° 110.

GUILLOT (Olivier), Le comte d'Anjou et son entourage au XIe siècle, 2 vol., Paris, 1972, 1 : Etude et appendices. 2. Catalogue d'actes et index, t. 2, p. 264-65, n° 426; t. 1, p. 275, note 364.