Don par Foulques le Rechin, comte d'Anjou, aux moines de Cunault, de deux métairies, à Louerre et à Saulgé.

l.1 In nomine sanctȩ et individue Trinitatis cunctis successoribus nostris presenti litterarum memoria notum fieri
l.2 decrevimus, quoniam ergo Fulco comes iter aliquando faciens cum ad beatam Mariam gratia orandi Cunaldum
l.3 divertissem, ejusdem loci monachis humiliter rogantibus et pro nostra incolumitate devocius orare promittentibus
l.4 donavi et in perpetuum eis habere concessi duas mitarias, unam in terra eorum de Loria alteram in terra de Tereenci-
l.5-aco, apud quem voluerint preter frecengiam nostram ab omni consuetudine liberas ita ut homines qui eas te-
l.6-nuerint in hostem non pergant, biannum non faciant, forrum non reddant, et si alias consuetudines in terra illa
l.7 habere videor, ab omnibus liberi et absoluti permaneant. Firmavi igitur hoc donum presentibus baronibus nostris
l.8 Rotberto Burgundione, Heone de Bladone, Raginaldo de Mallebrer, in presenti pelle signo crucis
l.9 eo utique pacto ut si aliquis de successoribus nostris minuere vel auferre temerare voluerit, nisi cito emen-
l.10-daverit, ab heredidate mea extorris et vitȩ eternȩ expers, cum divite illo qui micam panis Lazaro negavi
l.11 in inferno sepeliatur. Factum est autem anno a passione Domini millesimo quadragisimo quarto ante solem-
l.12-nitatem pentecosten cum ad curiam Andegavim properarem. [croix]