Sigefroid, abbé de Gorze, rappelle la donation faite à son abbaye par le chevalier Erfon de son bien de Montsec et les conditions dans lesquelles la mère de celui-ci en a l'usufruit.

l.1 [Antique con]suetudinis est ut quotiens conventio vel commutatio seu traditio prediorum fit, quid et a quibus et qualiter factum sit ad notitiam posterorum litteris
l.2 adnotetur. Quapropter ego frater Sigifridus, Dei gratia Gorziensis coenobii qualiscumque abbas, necessarium duxi tam presentibus quam futuris hominibus litteris [intimare quod]
l.3 quidan nobilis miles, Erfo nomine, filius Adelardi et Offitiae, pro amore Dei et remedio animae suae, necnon et parentum suorum, proque sepultura eorum predium suum a patre et [ma]tre [sibi olim]
l.4 legaliter traditum, quod Monzou dicitur, cum omnibus appendiciis suis tam in aecclesia et decimationibus quam in mancipiis, silvis, pratis, aliisque terris, cultis et incultis, et quicquid ill[ic pater ejus posse]-
l.5-derat, eique possidendum reliquerat, et ipse post patrem in pace et quiete tenebat, sancto Gorgonio absque ullius rei exceptione in presentia nostra, fratrumque nostrorum multis idoneis testibus astantibus [et cooperantibus, ea]
l.6 inter nos facta conventione tradidit, ut si forte ante matrem suam obiret sicut et postea contigit, predicta mater si censum unum videlicet denarium singulis annis ad altare sancti Gor[gonii solveret],
l.7 et fundum bene custodiret, usum fructuarium de ipso predio diebus vitae suae haberet, et insuper de rebus monasterii unoquoque anno viginti modios frumenti et totidem a[venae, viginti quoque]
l.8 modios vini, aut pro ipso vino duas libras acciperet. Postquam vero predictus Erfo in prelio occubuit, et corpus ejus a loco ubi inhoneste positum erat per fratres nostros [leva]tum, et [ad nos cum]
l.9 magno periculo relatum, ac in cimiterio nostro officiosissime sepultum est, sepe memorata mater ejus, nomine Officia, ante altare sancti Gorgonii conventionem quam filius fecerat, [coram me]
l.10 et fratribus nostris multisque idoneis testibus renovavit, laudavit, censumque solvendo confirmavit, unumque quartarium mansi pro vestitura in presentiarum nobis possidendum [reliquit. Et [quoniam
l.11 benivolentia]m ejus attendimus, [con]silio fratrum nostrorum aliorumque fidelium petitionibus assensum prebui, ut preter illa que ei danda su[peri]us descripsimus, per singulos annos
l.12 [duas libras pro vesti]mentis demus. Si ergo post obitum nostrum vivere eam contigerit, precor successores nostros [ut ea quae de]nom[in]ata sunt [amicabiliter et persolvant, ne] ea quae
l.13 aecclesiae collata sunt, pro tenacitate sua perdant. [colonne1] Conventionis et traditionis quae ab Erfone facta est, testes fuerunt: Gotbertus, Bovo, Witerus, Raimbaldus, Constantinus, Girbertus, multique alii. [colonne2] Quando vero conventio renovata est, et census solutus est a matre, testes fuerunt hii: Gotbertus, Bovo, Hugo, Amalricus, Girbertus.
l.14 EGO FRATER ADZO, JUSSU DOMNI ABBATIS SIGIFRIDI SCRIPSI HANC TRADITIONIS NOTITIAM AD POSTERITATIS MEMORIAM SEMPITERNAM [ruche].

1

D'HERBOMEZ (A.), Cartulaire de l'abbaye de Gorze, Paris, 1898, (Mémoires et documents publiés par la Société Nationale des Antiquaires de France. Mettensia; 2), p. 224-226, n° 125.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 137, n° 90.