Acquisition par Landri, diacre et chanoine de Saint-Maurice, de la moitié d'un moulin sur la Sarthe, d'Hersende, veuve de Gérard, viguier de Morannes, et accord passé avec Eudes et Sieburgis, son épouse, nièce dudit Gérard.

l.1 [chrisme] In nomine domini dei et salvatoris nostri Jhesu Christi. Notum
l.2 sit fidelibus viris ad quorum notitiam jure pertinebit, quomodo
l.3 Landricus diaconus et canonicus Sancti Mauricii comparavit medietatem
l.4 unius molini in Sarta flumine a Hersende matrona tunc vidua,
l.5 quae fuerat ante uxor Gerardi vicarii de Morenna, qui Gerardus
l.6 medietatem ipsam molini dederat ei in dotem sed ipsa infantes non genuerat.
l.7 Ergo comparationem illam calumpniatus est Odo, cujus erat uxor Sieburgis Gerardi
l.8 predicti neptis, ex qua filios filiasque habebat, sed tamen mercatum ipsum sibi
l.9 a Hersende oblatum exsequi noluerat. Igitur pro calumpnia illa tollenda et emptione sua
l.10 quietam facienda dedit idem Landricus Odoni et uxori suae dimidium modium
l.11 siglae, et unum modium commodavit ei mutuum in spatiosum terminum anni unius.
l.12 [I]dem tamen Odo mortua Hersende quae vendiderat, cum videret molinum multa melio-
l.13-ratione aedificatum, priorem calumpniam renovare coepit. Pro qua iterum removenda
l.14 atque in perpetuum sopienda, quanvis injusta judicaretur et inefficax, Landricus tamen
l.15 lites odiens et fugitans, iterum modium illum siglae quem commodaverat perdonavit et leges
l.16 jam complures, quarum per terminos ementitos obnoxius erat. Sicque ipse Odo et uxor sua filiique
l.17 ac filiae coram domno Eusebio episcopo multisque probis quae aderant personis
l.18 calumpniam universam guurpierunt, emptionem Landrici in perpetuum confirmantes,
l.19 ratamque kartae hujus subscriptione, ut palam est, facientes.
l.20 [croix] Signum Eusebii episcopi, Odonis. Sigeburgis. Andreas. Frotmundus. Ermenburgis. Girberga.
l.21 Isti sunt testes qui adfuere presentes, [colonne1] Fulcoius capellanus, Manselinus presbiter, Algerius filius Stabilis, Mainardus sacerdos, [colonne2] Hugo de Corziaco, Drogo vicarius, Walterius vicarius, Germanus, [colonne3] Joscelinus de Infernali, Girbaldus presbiter, Rainardus frater Algerii, Warnerius frater ejus, Morinus, [colonne4] Herbertus, Bernerius clericus, Hildemannus Burzisius, Haimelinus forestarius, Warinus camerarius, Gervasius clericus.

1