Renaud de Châteaudun donne à l'abbaye de Marmoutier un clos de vigne au bourg de Chamars.

l.1 Cunctis catholicȩ aecclesiȩ fidelibus maximeque nostris posteris patefactum praecognitumque volu-
l.2-mus fieri, quod Raginaldus de Castroduno pro ejus suȩque conjugis animarum remedio immo
l.3 et pro unici ejus filii nostrique loci monachi pio affectu, Sancto Martino Majoris vide-
l.4-licet Monasterii quendam vinearum clausum, quem in burgo Camartiaco nomine
l.5 prope ejusdem sancti habebat domum, cum torculari post suȩ mortis delegavit
l.6 occasum. Et unam cameram, mansioni quȩ est juxta vineas, contiguam sed
l.7 aliquatenus ab ea discretam. Quorum tamen singulorum ejus conjux nomine
l.8 Alburgis, ipso ante se defuncto quandiu vixerit teneat medietatem, mortua
l.9 vero Sancto Martino in proprium jus restituatur. Quod utique ut ita fieret, ipsarum
l.10 vinearum debita pro loci consuetudine per singulos annos solvenda, quȩ vulgo prisones
l.11 vocantur, ei fuerunt perdonata. Similiter quoque domus quam paulo ante nominatim
l.12 perstrinximus consuetudines et census, pro hujusmodi re quomodo voluit minuendo
l.13 levigantur. Ea tamen convenientia ut aut ad communes cum ceteris ejusdem
l.14 suburbii domibus eo ipso mortuo consuetudines revocetur, aut ex terra
l.15 Sancti Martini foras proiciatur. Nomina vero qui his affuerunt,
l.16 inferius subnotantur. [colonne1] Herveus, Warinus clericus, Hildebertus cocus, [colonne2] Dodo clericus, Guascelinus mariscalcus, Hildegarius mariscalcus, [colonne3] Teotbaldus, Hildebertus, Teotbaldus, Raimbaldus major.