Thierry I^er, évêque de Metz, confirme les biens de l'abbaye Sainte-Glossinde de Metz.

l.1 IN NOMINE SANCTE ET INDIVIDUȨ TRINITATIS, THEODERICUS, MEDIOMATRICȨ SEDIS MINISTER HUMILIS, VODȨ, ABBATISSȨ SANCTI SULPLITII ET SANCTȨ GLODESINDȨ, EIQUE SUBSTITUENDIS IN PERPETUUM. Constat secundum illud euvangelicum petite et accipietis quod omnis qui justa petit,
l.2 nulla dolens repulsa sui compos voti debet existere. Ea propter dilecta in Domino VODA abbatissa tuarum petitionum cotidianȩ supplicationi pie et misericorditer annuentes, et ut ecclesie cui divina sic disponente gratia presides, universa quȩ juste et canonice
l.3 possidet, et in futurum Deo auxiliante adipisci poterit, integra et inconvulsa permaneant, nostre auctoritatis testimonium adhibentes presenti privilegio munire, nominaque villarum et ecclesiarum ad eandem ecclesiam pertinentium subscribere et signare dignum duximus. Hec autem nomina
l.4 sunt: Breslevilla, Haianavilla, cum conductu ecclesie de qua singulis annis in Purificatione sanctȩ Marie sacerdos abbatissȩ sex solidos persolvit; medietas ville Floreiaci cum conductu ecclesie et duabus partibus decimarum; medietas ville Stodonis cum conductu ecclesie et duabus partibus decimarum
l.5 Mauronicampania, Bladonau, Geneveres cum ecclesie conductu et duabus partibus decimarum omnium tam in appenditiis suis scilicet Aspremunt, Tegesvilla, Maravilla, Marbufontane, quam in ipsa villa Geniveres; Narceium cum ecclesiȩ conductu et duabus partibus omnium decimarum tam in villa
l.6 sibi appendente, scilicet Baravilla, quam in Narceio; ecclesia in silva in honore sanctȩ Glodesindȩ, libera nulli respiciens, cum conductu cujuscumque provisoris ac sacerdotis abbatissa predicti loci voluerit; Rovareicum cum ecclesiȩ conductu et duabus partibus omnium decimarum et cum integro
l.7 servitio a sacerdote abbatissȩ debito; Paterniacum et cum conductu ecclesie et duabus partibus omnium decimarum; Vallis, Haingas cum ecclesie conductu et tribus partibus omnium decimarum, tam in appenditiis suis scilicet Marspat, Alkeringes, Nelvengis, Susengis, Erisengis, Homeyrvilla,
l.8 quam in ipsa villa de Haingas, et cum dimidio servitio a presbitero abbatisse debito; medietas ville Crucis supra Mosam cum medietate conductus ecclesie et tertia parte decimarum; Laiacum cum ecclesiȩ conductu et omnibus decimis, excepta parte presbitero determinata, unde ipse in festo sancti
l.9 Remigii VIII solidos persolvit abbatisse; ecclesia de Dummartino cum conductu et duabus partibus omnium decimarum tam in appenditiis suis scilicet Lialdivilla, Asmantia, Vellanis, quam in ipsa villa de Dummartino, et cum servitio a presbitero abbatisse debito; Engincurte cum
l.10 ecclesie conductu et duabus partibus omnium decimarum; Comitis villa cum ecclesie conductu et duabus partibus omnium decimarum; Cledas, Mauronias, Terlingas, Manceium, Noveliacum, medietas Busonis curtis cum molendino et piscatura, Godelinis villa, Carisiacum, Arimudi villa,
l.11 Mediana villa, Malchistat cum conductu ecclesiȩ et ipsius villȩ omnibus decimis et in appenditiis suis scilicet Notuwilre, Betenart, Romelneven, Homseit, Lucelhoven, Barneseit, cum dimia parte decimarum; Firmaricurt cum ecclesiȩ conductu et duabus partibus de-
l.12-cimarum tam in appendente sibi villa Semaricurte quam in ipsa villa de Firmaricurt; ecclesia de Ars cum conductu cujus omnes decimȩ pertinent ad prebendam sanctimonialium et presbiter ejusdem ecclesiȩ debet esse prebendarius ecclesiȩ Sanctȩ Glodesindȩ et debet esse contentus
l.13 dote ecclesie et oblationibus; Marceium cum conductu ecclesie et duabus partibus decimarum; Wiricurt, alodium in Dumpiro cum quarte parte decimarum; alodium in Gimalcurt; alodium in Maeio; Malchistat cum supradictis et dimidio servitio a sacerdote abbatissȩ debito;
l.14 Geneveres cum supradictis et integro servitio a sacerdote abbatisse debito; villa Sancti Martini cum conductu ecclesiȩ et duabus partibus decimarum; advocatus debet accipere quartam partem unius mansi ut villa Sancti Martini libera sit ab eo, viginti et quatuor mansi cum banno
l.15 tam infra civitatem quam extra, de quibus dotata fuit ecclesia Sanctȩ Glodesindȩ Mettensis. Nos itaque supradicta benefitia ad sustentationem et omnimodam necessitatem tam fratrum quam sororum Deo sacratissimȩque virgini Glodesindȩ in predicta ecclesia servientium
l.16 collata, in perpetuum intacta et inviolata permanere affectantes, auctoritate Dei beatorumque apostolorum Petri et Pauli prohibemus, interdicimus, quod nullus hominum in prefatis violentas manus inicere injuste presumat, nec inde aliquid intercipere, defraudare,
l.17 subripere adeat, audeat. Quicumque autem demoniaca seductus suggestione, hujus institutionis nostre sanctionem quocumque modo infringere ausus fuerit, nisi satisfatiens resipuerit anathematis vinculo innodatus, et in hoc seculo a sacratis-
l.18-simo corpore et sanguine domini nostri Jhesu Christi segregetur, et in die extremi examinis eternȩ dampnationis ultionem sentiat. Qui vero firmiter et integre conservare laboraverit, omnipotentis Dei omnium retributoris gratiam et misericordiam consequens,
l.19 inter agmina sanctorum perhemni remuneratione glorietur. Actum Mettis publice, sub die kalendas februariis, anno I imperii domni Ottonis, indictione V.
l.20 [monogramme] HUMILIS PRESUL METTENSIUM SUBSCRIPSIT [signum].
l.21 [croix] FRIDERICI ducis. [croix] Girardi comitis. [croix] Richeri comitis. [croix] Immonis camitis. [croix] Folquini. [croix] Folmari. [croix] Adzonis. Adalberonis primicerii. [croix] Conradi archidiaconi. Odelrici archidiaconi.
l.22 EGO STEPHANUS pre[...] AD VICEM ADELARDI CANCELLARII SCRIPSI [ruche].

WOLFRAM (G.), Die Urkunden Ludwigs des Deutschen für das Glossindekloster in Metz, in Mittheilungen des Instituts für österreichische Geschichtsforschung, 11(1890), p. 1-27, p.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 132, n° 60.