Hugues, seigneur de Gallardon, donne à l'abbaye de Bonneval divers héritages à Auneau.

l.1 Quoniam quȩ Dei sunt non occultare, sed ut tardioribus tepidioribusque imitanda preponantur juxta ejus preceptum: Lucem coram hominibus
l.2 condecet lucere tam futuris quam presentibus literali tenacitate volo declarare, quia fidelibus ego HUGO Gualardonensium
l.3 dominus Deo dicatis cenobitalibus in Bonevallensi monasterio, summo regi ejusque quorum assunt ibi reliquiȩ martiribus devote
l.4 famulantibus pro patris mei Hervei absolutione, traditi tam honorifice ab ipsis inibi sepulturȩ, et ut ego crebri eorum admini-
l.5-culante deprecacione erui a gehennali tribulatione, paradisique perfrui merear amena exultacione, largitus sum de meis pos-
l.6-sessionibus solenni donatione, quȩ cartulȩ huic inserendo nominatim mandavi retinere. Scilicet mansum quod Foesvilla
l.7 vocantur totum. Apud Alneellum castrum noviter extructum terram aratri unius culture sufficientem, et furnos qui in villa ipsa facti
l.8 vel futuri sunt, decimam quoque culturarum mearum quȩ ibi erunt necnon ipsius castelli forum decimum, et omne herbarum fructu-
l.9-umque teloneum, et stagnum quoddam cum dimidia parte molendini inibi construendi, capellam quoque castelli et ad ejus
l.10 edificationem, quindecim libras monete Carnotensis, et quicquid homines mei, sive servi, sive liberi, illis dederint, concessi.
l.11 His vero interfuerunt testes qui hoc audierunt et viderunt, GARINUS clericus canonicus Sanctȩ Marie, Gaufredus mariscalcus, Hugo Fulcoini,
l.12 Albericus coquus, Ansoldus de Mongervilla, Guido et Milo fratres mei, Haimericus et Herveus balistarii, Rainaldus de Brai, Johannes de
l.13 Clismunt, Ivo Gauscherii, Johannes Vitulus, Rainardus clericus, Osmundus de Alneel, Guillelmus de Viri, Robertus Brito.
l.14 In festivitate quoque ipsius sanct[i] scilicet Nicholai, videns quia nominati fratres jam data honorifice construebant, donum adauxi, scilicet pres-
l.15-biteratus de Sclimonte, et decimam culturarum mearum ubicumque erant, vel fuerint, et vinearum quȩ habebam vel habiturus eram, et forum totum
l.16 quod vulgo fera dicitur, in festivitate ipsius sancti. Necnon apud Galardonem aream molendini quȩ Revacallis nuncupatur. In castello quoque
l.17 jamdicto Alneello scilicet, quicquid habetur a porta quȩ respicit Sanctum Romanum et ab officinis fratrum, et domos, et ortos, usque ad aquam.
l.18 Hii affuerunt testes, Robertus filius Gasthonis, Guillelmus dapifer, Marinus prefectus, Harduinus de Danovilla, Osmundus de Alneel, Haimericus arbala-
l.19-starius, et filius ejus Ansoldus, Petrus filius Alberti, Herveius filius Petri Gallici, Ingelbertus de Buncna villa, Johannes de Sclimonte, Odo Danovilla, Seguinus
l.20 frater Roberti filii Gasthonis, Gaufredus filius Milesendis, Guido de Barzilleriis, Burcardus de Ursumvilla, Gaufredus Gaignart, Radulfus ex Puteo,
l.21 Albericus coquus, Ascelinus filius Bernardi, Morinus Brittannus, Gaufredus de Pomerio, Garinus et Guido fratres mei, cum quibus tunc signo crucis cartu-
l.22-lam firmavi. Deinde videns monacos a suprascripta Deo devota congregatione apud nos jam directos regulariter jam degere deoque ut-
l.23-pote a tanta concione bene extructos in hymnis et laudibus die noctuque deservire, ut talium numerus quorum me credebam plurimum posse adju-
l.24-vari, precibus adaugeretur, unde plures inibi vite necessaria haberent, donavi, scilicet de quatuor reditibus quos habebam vulgaliter pedagia no-
l.25-minatos, decimam partem. Redduntur autem apud Alneellum et apud Hildopontem, et apud Lumret, et apud Galardon, in ipso quoque castello Galar-
l.26-don dedi decimum mercatum et de duobus furnis quos inibi habebam cariorem prope domum Nivelonis situm, tali videlicet tenore, quatinus mater mea dum
l.27 advixerit fructus inde colligat si vivens eis concedere noluerit voluntate spontanea. Dedi et apud Veosiam unius carruge terram.
l.28 Testes, ex parte mea, Guido frater meus, Marinus prefectus, Herveius filius Petri, Herveius balistarius, Seguinus et Ansaldus de Sanctiul, Robertus de Donvilla,
l.29 Osmundus miles, Garinus villanus, Johannes Sclimonte, Germundus Sclimonte, Nivelo filius Germundi. Ex parte eorum, Guido de Barzilleriis, Hugo filius
l.30 Fulchoini, Isembardus mariscalcus, Teudo de Nemore, Albericus quoquus, Gaufredus mariscalcus.
l.31 In alia quoque festivitate prescripta confessoris, dum missa celebraretur sollennis, allatus est quidam in redula nimis anxius, cujus pedem tribus ebdomadibus
l.32 consumpserat ignis divinus, qui usque ad vesperas inibi jacens atque ipsius sancti auxilium attentius deposcens, Deo quantum apud se ipsius sancti possent merita de-
l.33-monstrante, subito curatus est. Cujus curationem ego Hugo, audiens letus adveni, atque precioso confessori terram cultui unius karrugȩ suffici-
l.34-entem per cultellum Willelmi filii Rotaldi donavi, apud villam quȩ dicitur Solaris, duorum boum, et apud Veosiam duorum. Testes Guillelmus Rotaldi,
l.35 Vulgrinus pelliciarius, Odo pistor de famulis monachorum, Tebaldus de Pometo, Radulfus de Puteo, Stephanus carpentarius. Dominicum quoque sepulchrum
l.36 Jerosolimis petiturus, audientibus quibus ipso die castella mea et filiam meam commendavi, meis fidelibus, Garino quoque fratre meo et uxore mea
l.37 Agnete, atque unica mea Mahildi audientibus et concedentibus cuncta quȩ Bonevallensibus fratribus diversis temporibus diversa per loca donaveram, queque
l.38 eorum carta quam habebat presens abbas Rotbertus in manibus, continebat recitatis, duo clausa vinearum quȩ apud Galardonem via publica dividit eis
l.39 adauxi, videlicet post meum obitum alterum, et presentialiter alterum. Apud Alneellum quoque post me habendam illis meam propriam carrucam donavi,
l.40 cum omni apparatu et omnibus illius culturis. Hoc autem totum, ut jam predixi, Garinus frater meus cum uxore mea et filia mea, quȩ inde ob memoriam rei
l.41 gestȩ, utpote parvula, unum denarium de abbate accepit, ad hoc enim eos convocaveram, audientibus testibus subscriptis concessit. Testes,
l.42 Robertus Gathonis, Isnardus de Gais, Drogo Alberti, Gaufredus Haganonis et Radulfus frater ejus, Guillelmus de Sancto Piato, Guillelmus Gausfredi Strabonis,
l.43 Robertus Nigro Dorso, Garinus de Sancto Hylario, Germundus de Sancto Hylario, Guillelmus Rotaldi.
l.44 Hoc autem meum beneficium, meis annuens precibus comes de Petra Forti Guido nomine, de cujus fevo erat, cum uxore sua concessit. Testes, ego ipse,
l.45 Urso Ursonis filius, Simon Neelfa.
l.46 S. Hugonis [croix]. S. Garini [croix]. S. Guidonis [croix].

LEFEVRE (Edouard), Documents historiques et statistiques sur les communes du canton d'Auneau, arrondissement de Chartres (Eure-et-Loir), Chartres, 2 vol., 1867-1869, t. 1 (1867), p. 95-99.

THIROUX (Dom Jean), LAMBERT (Dom René), Histoire abrégée de l'abbaye de Saint-Florentin de Bonneval, Châteaudun, 1875, p. 53-55.