Chartres, AD Eure-et-Loir, H 554

<< < / > >>

Numéro3123

Fiabilité de l'actenon suspecté

Genrecharte

Date1080(fiabilité :édition)

Lieunon identifié

DiocèseChartres

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche692   mm

Hauteur à droite700   mm

Largeur en haut438   mm

Largeur en bas425   mm

AuteurGuillaume, seigneur d'ALLUYES, et Eustachia son épouse

BénéficiaireAbbaye  de  SAINT-PERE  de  CHARTRES

Regeste

Guillaume, seigneur d'Alluyes, donne l'église Saint-Lubin de Châteaudun.

Texte

l.1 TERRENAE DIVITIAE, sicut earum pro libitu carnis ac desideriorum luxu profligatores, ad infernales pertrahunt pȩnas, sic pro Dei amore qui eas indi-
l.2-gentibus largiuntur, ad aeterna deducunt premia. Quapropter ego Willelmus, honoris Alogiae dominus, quantum ad seculi dignitatem adtinet,
l.3 clarus quidem genere, set pravo perobscurus opere, inter hujus fluctivagi procellas seculi, armis precinctus militaribus ac mundanis impl[icitus]
l.4 negociis, dum nequeo meis meritis quȩ parva vel potius nulla sunt, innumerabilia quȩ commisi diluere facinora, donarioru[m pert]empto
l.5 largitionibus redimere. Unde ratum fore duxi, beatum PETRUM apostolorum principem cui D[ominu]s suȩ ȩcclesiȩ [curam cummisit] atque ligan[di] so[l]vendique
l.6 animas potestatem contulit, michi intercessorem ascisci, eumque ex rebus propriis placabilem fieri. Sic enim Domini nostri pr[ae]cipitur eulogio: Date inquit
l.7 et dabitur vobis, et alio in loco: Facite inquit vobis amicos de manmona iniquitatis, ut cum defeceritis recipiant vos in aeterna
l.8 tabernacula. Itaque annuente venerabili matre mea MAHILDE, unacum karissima conjuge Eustachia, seu liberis nostris adhuc infantulis,
l.9 Hugone [ac] Vuillelmo, pro redemptione quidem animarum antecessorum nostrorum, necnon et pro nostra incolumitate, concedens dono
l.10 et donans concedo BEATO PETRO APOSTOLO ac ejus monachis sibi normaliter famulantibus in coenobio quod non longe a menibus Carnotinae
l.11 urbis situm est, ȩcclesiam scilicet beatissimi LEOBINI confessoris et episcopi predictȩ urbis, quae ȩcclesia, a pris[co tem]pore, intra vallum Castri
l.12 Duni decenter constructa videtur, atque a patribus nostris jure hereditario possessa est. De qua donum quoque super ipsius apostoli altare, VIII id. decembris
l.13 posui cum fidelium meorum as[sensu], qui tunc Carnotis erant mecum, quorum nomina in corroboratione p[r]ivilegii hujus subscripta habentur.
l.14 Habeant ergo ex hac die in antea jureque hereditario supradicti monachi eandem ȩcclesiam et possideant, [cum omni ornatu] ejus vel rebus omnibus tam
l.15 intus quam foris ad eam pertine[ntibu]s quȩ in meo dominio videbantur esse. Concedo etiam areas quȩ dicuntur [Arnu]lfi, necnon et Bovonem militem
l.16 cum suo fevo qui ad supradictam ȩcclesiam pertinere noscitur. Decimas denique seu census ad eam pertinentes et a pl[u]ri[bu]s [mi]litibus possidentur, libens con-
l.17-cedo ut ipsi milites ȩcclesiȩ si ita voluerint reddant, aut a monachis vel precario, vel precio, ab ipsis redimantur [militib]us. Hȩc omnia quȩ dantur a nobis
l.18 perexigua sunt, terrena enim sunt atque peritura. Cȩlestia quoque vel aeterna eminentiora et potiora sunt, quȩ Christo opitulante pro his minimis in
l.19 futuro recipiemus. Profuit enim illi viduae de qua legitur quod in templo obtulit duo minuta. Profuit et danti ca[lix aquae] frigidae. Hujus ergo lar-
l.20-gitionis donum, ut in aeternum fir[mum et inco]nvulsum permaneat, cum signo sanctae crucis manibus propriis f[ir]ma[r]e [c]e[nsuim]u[s], nostrorum fidelium manibus
l.21 [fir]mandum tradidimus, quorum etiam nomina subterscripta inveniuntur. Quod si quis aliquando huic nostrȩ largitioni diaboli instinctu contra-
l.22-ire nisus fu[er]it, nisi [ci]to [resipuerit], presumptionis suȩ veniam petens, cum Dathan et Abiron quos terra vivos obsorbuit, cum Herode innocentum lania-
l.23-tore, cum J[uda] prodito[re,] et [cum his qui] Christum Dominum crucifixerunt, in inferno trusus, pȩnas luat, ub[i an]g[u]is g[ulosu]s non moritur, nec vorans ignis
l.24 extinguitur, nec umbrȩ mortis deerunt, nec caligo tenebrarum. S. Mahildis matris Vuillelmi. S. ipsius Vuillelmi.
l.25 S. Eustachiȩ conjugis ejus [croix]. S. [Hu]gonis filii. S. [Vuillelmi] filii. S. Vuillelmi de Monte Boone. S. Gausfridi Vuarini.
l.26 S. Osmundi. S. Guarnerii Avisardi. S. Hugonis filii Burchardi. S. Rainaldi filii Gausfridi. S. Radulfi filii Vuillelmi. S. Gausfri[di]
l.27 de Salmeredo. S. Odonis Cratonis. S. Vuillelmi de Monte Mirabili. S. Girardi Brunel[li. Wi]ll[elm]i. [Ber]nerii. Gauslini.
l.28 [He]lgot. Vualt[erii] filii Bur[char]di. Hildeg[arii] archidiaconi. Rainald[i d]ecani. Vitalis presbiteri. Bernardi de Buslo. Radulfi [Nothi]. La[ndrici de] Toriel et Odo.
l.29 S. Radulfi [croix]. S. Gausfridi [croix]. S. [Le]taldi [croix].

Responsable

M. Courtois

Comment citer cette notice

Acte n°3123 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3123»[En ligne] http://www.cn-telma.fr/originaux/charte3123/. Date de mise à jour : 29/03/12.