Adalbéron I^er, évêque de Metz, donne pour l'entretien de l'hospice de l'abbaye Saint-Arnoul de Metz des biens situés aux alentours de l'abbaye et l'église de Marieulles.

l.1 IN NOMINE SUMMIS PATRIS ET FILII EJUS JHESU CHRISTI ET SPIRITUS SANCTI, ADELBERO, SANCTE METTENSIS ECCLESIAE HUMILIS PRAESUL.
l.2 Notum sit omnibus sancte Dei ecclesiȩ nostrisque fidelibus, qualiter abbas monasterii Sancti Arnulfi, nomine Ansteus, nostram adierit presentiam, suggerens nobis de eodem
l.3 loco quem ei commiseramus, quia invenerit eum desertum, et omnibus habitaculis qui conversationi monachorum convenirent destitutum, et maxime illa, tam laudabili
l.4 hospitalitatis officina ubi juxta mandatum divinum, his qui advenirent, commoda posset exhiberi humanitas. Et ipse quidem eandem officinam sicut et alias interiores,
l.5 secundum propriam possibilitatem cum nostro etiam adjutorio construxit, et cum consensu fratrum suorum decrevit, ut ex omnibus quȩ ad ipsum locum de indominicatu veniebant, propriis aliquantum
l.6 usibus subtraentes, decimas ad ipsam officinam in usus omnium supervenientium destinarent. Hoc autem cum voluntate nostra facere voluit, ut nos simul cum illis in eodem opere
l.7 participationem haberemus, et ut nostra auctoritate corroboratum firmius postea permaneret. Nos igitur pro aeterna mercede conquerenda assentientes hujusmodi
l.8 petitioni, statuimus cum voluntate et consensu tam ipsius abbatis Anstei, quam omnium fratrum sub eo in sancta religione manentium, nostraque et omnium fidelium nostrorum auctoritate corroboramus,
l.9 ut decimȩ omnium rerum quȩ ad mensam eorundem fratrum de indominicatu veniunt, annonȩ videlicet, vini, feni, ad predictam cellam hospitum ad usus quorumcumque supervenientium tam divitum quam pauperum
l.10 seu peregrinorum deveniant. Sed quia ad ipsum monasterium utpote juxta civitatem positum, plus quam alibi hospitum frequentatio confluere videbatur considerantes haec minus sufficere,
l.11 adjecimus etiam ibi ecclesiam in villa Maceriolas in honore sancti Martini constitutam, simul et clausum vineȩ quod est ante portam ipsius monasterii, sed et decimas omnium quȩ de indomi-
l.12-nicatu abbatiunculȩ Sancti Felicis procedunt, quam nos pridem ad partem sancti Arnulfi tradidimus, sub omni integritate ibidem deputavimus, ita tamen ut in potestate abbatis
l.13 ipsius monasterii, sit omni tempore. Obsecramus ergo, simul et ex dominica sanctorumque ejus et nostra obtestamur auctoritate, ut nemo successorum nostrorum, neque aliquis ab-
l.14-batum in ipso loco superventurorum, aut alia quȩcumque potestas, hanc presentem nostrȩ sanctionis confirmationem de tam pii operis instituto, ullatenus umquam violare prȩ-
l.15-sumat, sicut in die districti judicii Dei, qui cum de aliis omnibus operibus unicuique secundum merita sit retributurus, de hoc tamen quasi specialius ipsum judicium pro-
l.16-testatur futurum, quo scilicet vel eos qui impleverint aeterna remuneret beatitudine, vel qui neglexerint perpetuȩ subdat perditionis, sententiam cupiunt dampnationis
l.17 evadere. Quod ut stabilius obtineat corroboramentum, nomine nostro caeterorumque fidelium nostrorum censuimus inscribendum.
l.18 Actum Mettis publice, sub die octavo kalendas decembris, anno incarnationis Domini DCCCCLII, indictione X, regnante Ottone clarissimo rege.
l.19 [monogramme] SANCTAE METTENSIS AECCLESIAE HUMILIS EPISCOPUS SUBSCRIPSIT. [colonne1] Evorinus primicerius. Urso abbas. Gonterus abbas. Enalcus presbyter et decanus. Adelardus presbyter. Rihardus presbyter. Sigiboddo thesaurarius. [colonne2] Wigiricus diaconus. Leodericus diaconus. Adelardus diaconus. Tietcilinus diaconus. [colonne3] Wigiricus subdiaconus. Item Vuigiricus subdiaconus. Lupus subdiaconus. Walandus subdiaconus. [colonne4] Cuonradus acolitus. Gonterius acolitus. Fridericus acolitus. Odelricus acolitus. [colonne5] Fridericus comes. Lantbertus. Folmarus. Odacarius. Teudebertus.

Histoire de Metz, par les religieux bénédictins de la Congrégation de Saint-Vanne, 6 vol., Metz, 1775, t. 4, Pr, p. 69-70.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 130, n° 49.