Henri I^er, roi de France, à la prière des chanoines de l'église de Chartres, renonce à tous les droits qu'il percevait sur le fiscus d'Ingré appartenant auxdits chanoines ; mais il retient, à titre d'avoué, quatre setiers de vin sur chaque arpent.

l.1 IN NOMINE SANCTE ET INDIVIDUȨ TRINITATIS PATRIS VIDELICET ET FILII ET SPIRITUS SANCTI EGO HEINRICUS FRANCORUM REX DEI GRATIA.
l.2 Si erga cultum sanctorum et utilitatem ecclesiarum, antiquorum institutio nos voluit esse devotos, quanto magis erga
l.3 singularem memoriam nostrȩ salvationis videlicet Dei genitricis quam post Deum credimus et confidimus non solum nostrȩ salutis
l.4 amminiculum, sed etiam plenum effectum. Unde pro adquisitione aeternȩ felicitatis admodum sollicitus, circumspexi si circa me aliquid
l.5 haberem quod ejus famulatui et promerendȩ gratiȩ impendere possem. Et hoc mihi aliquantisper cogitanti ad memoriam rediit canonicorum
l.6 Carnotensis ecclesiȩ quam sepius inculcaverant petitio, per quam a diversis exibitionibus et exactione illa quȩ vulgari nomine vicaria
l.7 vocatur illum fiscum cui Unigradus vocabulum est liberum et quietum deinceps esse concederem. Ego vero petitionis ipsorum exaggerando
l.8 cumulum universa concedo quȩcumque quȩlibet terra prefati fisci mihi meisque hactenus persolvere consueverat, quatenus in eo habitantes
l.9 tutius vivere, et idcirco quȩcumque ab eis usibus canonicorum debentur plenius valeant reddere, exceptis quattuor sextariis vini de unoquoque
l.10 arpenno quos mihi advocationis gratia retinui, quatinus si in posterum quis ei fisco injuriam inferre temptaverit, rege auxiliante superno
l.11 me advocatum sibi sentiat esse infestum. Et ut nostrȩ liberalitatis munificentia omnibus sancte matris ecclesiȩ fidelibus et nostris
l.12 esset nota, summo studio et diligentia precipimus exarari, et sigilli nostri impressione signari, quatinus quod manu propria signo
l.13 crucis impresso statuimus esse ratum, per curricula succedentium temporum maneat inconvulsum. Et si quis hujus conventionis
l.14 esse temtaverit violator quod absit, iram Dei incurrat, atque nostra nostrorumque auctoritate convictus abscedat, et pro illicita
l.15 presumptione, auri libras centum regali fisco persolvat.
l.16 Actum publice Parisius anno Verbi incarnati MmoXLVIIIvo, indictione I, regnante Haenrico rege XVIII anno, XV kalendas mai. [colonne1] Signum Teoderici Carnotensis episcopi. Signum Isenbardi Aurelianensis episcopi. Signum Vualterii Meldensis episcopi. Signum Frotlandi Silnectensis episcopi. Signum Vuiscelini capellani. Signum Richardi diaconi et capellani. Signum Gausfridi Sancti Aniani subdecani. Signum Adelardi Laudunensis. Signum Burchardi clerici. [colonne2] Signum Tetboldi palacii comitis. Signum Ivonis comitis. Signum Ingelranni comitis. Signum Rodulfi comitis. Signum Ragenaldi camerarii. Signum Gilduini vicecomitis. Signum Hugonis Bardulfi. Signum Evrardi filii Gelduini. Signum Bernardi sinscalci. [colonne3] Signum Vualterii constabularii. Signum Nivelonis. Signum Gauslini casati Carnotensis. Signum Rotberti de Sancto Leodegario. Signum Vualterii de Friasia. Signum Vuarini militis Carnotensis. Signum Gaufridi militis Carnotensis. Signum Hugonis militis. [colonne4] Signum Arnulfi Carnotensis precentoris. Signum Ageverti Carnotensis succentoris. Signum Hugonis prepositi. Signum Huberti presbiteri. Signum Vualterii prepositi. Signum Odonis canonici. Signum Gencelmi presbiteri et canonici.
l.17 [monogramme] [croix].
l.18 EGO BALDUINUS CANCELLARIUS REGIS SUBSCRIPSI. [sceau].

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 89.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), p. 83-84, n° 79.

SOYER (J.), Les actes de souverains antérieurs au XIVe siècle conservés dans les Archives départementales du Loiret, in Le Bibliographe Moderne, t. 20 (1920-1921), p. 159-162.