l.1 P[aschalis], episcopus, servus servorum Dei, venerabili fratri I[voni], Carnotensi episcopo, et totius capituli fratribus salutem et apostolicam benedictionem. Audivimus in regio-
l.2-num vestrarum ecclesiis quasdam pravas consuetudines emersisse et in ecclesia vestra precipue vigere. Super hec etiam quedam contra
l.3 canonum statuta presumi. Nos vero sanctorum patrum statuta sequentes et ab omnibus ea intemerata servari volentes,
l.4 easdem consuetudines penitus abdicamus, et Sancti Spiritus auctoritate prohibemus, ut in aliena stipendia nullus
l.5 obrepat, nec beneficia presbiterorum que apud vos junioratus vocantur alii habeant, ut missas non cantent, et evan-
l.6-gelia non legant presbiteri aut diacones conducticii, ut pro prebendis vel ecclesiasticis beneficiis munus aliquod
l.7 non exigatur. Precipimus etiam ut cleri qui negotia ecclesiastica ad seculares potestates deferentes ecclesiam gra-
l.8-vant infames habeantur donec condigne satisfaciant. De concubinarum filiis que a predecessoribus nostris statutum
l.9 est inconvulsum serventur. Ut qui non precedente canonica excusatione se promoveri non permittunt,
l.10 suis reddantur minoribus inferiores secundum capitulum Cartaginiense, et secundum institutum pape Gelasii plus
l.11 accipiat presbiter quam diaconus, diaconus quam subdiaconus, et qui studiosus militat tardioribus plus stipendiorum
l.12 accipiat. Ut ornamenta ecclesie nemo vendat aut distrahat, nisi pro ea necessitate qua canones
l.13 permittunt. Et qui aliter fecerit sacrilegii reus, et canonum contemptor habeatur. De his autem que apud vos
l.14 precarie dicuntur, que tua fraternitas disposuerit nos ratum habemus. Illam sane excommunicationem quam de domibus
l.15 quȩ ecclesie tue contigue fuerant pro ejusdem ecclesie utilitate dictasti, nos assertionis nostre auctoritate firmamus.
l.16 Datum Beneventi, III id. novembris.
l.17 [sceau].

JAFFE-LOEWENFELD, n° 5922 (4424).

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 110-111, n° 27.