Calixte II, pape, interdit aux dignitaires du chapitre cathédral de Chartres d'exiger quoi que se soit pour obtenir des canonicats.

l.1 CALIXTUS, EPISCOPUS, SERVUS SERVORUM DEI, VENERABILI FRATRI GAUFRIDO, CARNOTENSI EPISCOPO, SALUTEM ET APOSTOLICAM BENEDICTIONEM.
l.2 Quȩ religionis et honestatis prospectu in Dei ecclesia statuuntur, inconcussa debent stabilitate servari. Siquidem frater in Christo karissime de commissa tibi
l.3 ecclesia omnem symoniacam expellere desiderans pravitatem, assensu decani, precentoris, subdecani, succentoris, et ceterorum prelatorum ecclesiȩ statuisti
l.4 congregatione fratrum id ipsum approbante, atque unanimiter postulante, ut nec decanus, nec precentor, nec subdecanus, nec succentor, nec ulla alia ecclesiasti[ca]
l.5 persona, vel canonicorum quisquam, de honoribus ecclesiȩ vel prebendis quicquam exigat, vel accipiat, vel per se, vel per suppositam manum. Nullus etiam eorum qui canonici
l.6 fiunt, pro prebenda quicquam det vel promittat, aut per se similiter, aut per suppositam manum. Neque post decessum prelatorum qui nunc in ecclesia vestra vivunt, ullus, vel
l.7 decanus, vel precentor, vel subdecanus, vel succentor, in locum ipsorum statuatur, quousque in communi capitulo liquido juret, pro officio suo se nichil dedisse, vel
l.8 promisisse, quousque etiam juret, se pro prebendis nichil exacturum, vel accepturum, aut per se, aut per suppositam manum. Similiter post decessum simplicium canonicorum
l.9 qui modo in Carnotensi ecclesia vivunt, nullus in locum eorum canonicus efficiatur, nisi ante in communi capitulo juret, vel tutor suus pro eo si ipse infra annos
l.10 fuerit, se pro prebenda nichil dedisse aut promisisse, nec per se, nec per suppositam manum. Hanc itaque constitutionem ad honorem Dei et animarum salutem
l.11 a fraternitate tua provisam, nos prestante Deo auctoritate sedis apostolicȩ confirmamus, et ratam in posterum permanere sancimus. Preterea debitam volentes ecclesiȩ
l.12 vestrȩ reverentiam conservari, decernimus, ut canonici Sancti Martini de Valle, ab obedientia episcopi Carnotensis et ecclesiȩ non recedant, sicut ipsi eis in capitulo
l.13 promiserunt. Si quis igitur confirmationis hujus tenore cognito, temere quod absit contraire temptaverit, honoris et officii sui periculum patiatur,
l.14 aut excommunicationis ultione plectatur, nisi presumptionem suam digna satisfactione correxerit. Prebendam Leprosis et Helemosinȩ Beatȩ Mariȩ datam, et divisionem prebendȩ duobus presbiteris ecclesiȩ servitoribus distributam firmamus.
l.16 [rota] Ego Calixtus catholicȩ ȩcclesiȩ episcopus [subscripsi]. BNV.
l.17 Datum Remis, per manum GRISOGONI sanctȩ Romanȩ ecclesiȩ diaconi cardinalis ac bibliothecarii, IIII nonas novembris, indictione XIIIa,
l.18 incarnationis dominicȩ anno MoCoXVIIIIo, pontificatus autem domni CALIXTI secundi pape anno PRIMO.
l.19 [sceau].

JAFFE-LOEWENFELD, n° 6777 (4957).

LEPINOIS (Eugène de Buchère de), MERLET (Lucien), Société archéologique d'Eure-et-Loir. Cartulaire de Notre-Dame de Chartres, publié sous les auspices de cette société, d'après les Cartulaires et les titres originaux, 3 vol., Chartres, 1862-1865, t. 1, p. 126-128, n° 39.