Paris, AN, K 21 n° 2

<< < / > >>

Numéro3077

Fiabilité de l'actenon suspecté

Genrediplôme

Date02/08/1112(fiabilité :édition)

LieuParis(lat :Parisius, in palacio publico)

DiocèseParis

RégionIle-de-France

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche530   mm

Hauteur à droite650   mm

Largeur en haut325   mm

Largeur en bas495   mm

AuteurLouis VI, roi  de  FRANCE

BénéficiaireAbbaye  de  SAINT-DENIS

Regeste

Louis VI, roi de France, confirme les droits de justice et les privilèges de l'abbaye de Saint-Denis.

Texte

l.1 [croix] IN NOMINE SANCTE ET INDIVIDUȨ TRINITATIS, PATRIS ET FILII ET SPIRITUS SANCTI, AMEN.
l.2 EGO LUCDOVICUS Dei gratia Francorum rex. Quoniam domino Deo disponente bona quȩ temporaliter agimus et contra adversarium nostrum arma sunt inexpugnabilia, et ȩternȩ
l.3 hereditatis indubitanter nobis adquirunt premiam, ratio consulit, necessitas exigit, ut dum tempus habemus, bonum ad omnes, maxime autem ad domesticos fidei, operari studeamus
l.4 ut pauperes spiritu nostrȩ largitatis munificentia necessitatis obtineant remedium, et nostra fragilitas eorum orationibus adjuta, in districto examine judicem sibi misericordem inveniat
l.5 ac propicium. Universis igitur ortodoxȩ religionis cultoribus, tam posteris quam et instantibus, certum haberi volumus, quoniam antecessores nostri Francorum reges qui viam universȩ
l.6 carnis ingressi sunt, quoniam regis cȩlestis, cui servire regnare est, ȩcclesias honorare studuerunt, gloriam terreni regni cum victoria potiti sunt, et post obitum carnis ȩternam requiem
l.7 adepti sicut quorumdam eorum gesta testantur noticiȩ fidelium descripta. Inter quos precipue claruerunt donnus Dagobertus rex prevalidus et Karolus calvus eque
l.8 rex et imperator magnificus, atavus quoque noster piȩ memoriȩ rex Robertus, qui ȩcclesiam beati Dyonisii, sociorumque ejus ab ipso Dagoberto fundatam, pre cȩteris
l.9 dilexerunt, eamque variis et maximis largitionibus ditaverunt, ipsam quoque liberrimam esse ab omni exactione regum seu quorumlibet principum constitu-
l.10-erunt, et hoc precepto auctoritatis suȩ corroboraverunt. Verum violentia quorumdam et invalitudine vel negligentia abbatum et monachorum ejusdem
l.11 ȩcclesiȩ ipsa precepta minus observata sunt et sic constituta devotorum regum paulatim decidere, et insolite consuetudines atque exactiones molescere ceperunt. Quas ex-
l.12-actiones cum vellemus in usum ducere quorumdam intinctu, bono zelo domus Dei sibi commissȩ permotus vir venerandus Adam, abbas monasterii beatorum
l.13 martyrum Dyonisii Rustici et Eleutherii, nobiscum causam et placitum inde habuit, easque ad opus ȩcclesiȩ placitando et derationando extirpavit, nec multo
l.14 post nostram regiam sedem expetiit humiliter obsecrans, quatinus pro remedio animȩ genitoris nostri piȩ memoriȩ regis Philippi, antecessorumque nostrorum,
l.15 ac pro incolumitate nostra successorumque nostrorum necnon pro stabilitate et pace regni nostri, jura et statuta ȩcclesiȩ non sinerem annulari vel minorari, sed ea,
l.16 sicut derationaverat, rata et firma esse concederemus, immo quodam nostrȩ auctoritatis novo precepto et sigillo eadem firmaremus. Cujus petitionibus assensum
l.17 prebuimus consilio et favore obtimatum nostrorum, quatinus ipsos beatissimos martyres Dyonisium, Rusticum, et Eleutherium, pios adjutores hic, et apud Deum,
l.18 semper habere mereamur. Decrevimus etiam et statuimus, et regio edicto precipimus, ut abbas et monachi Sancti Dyonisii sociorum ejus plenam habeant potestatem
l.19 de servis et ancillis ȩcclesiȩ emancipandis et liberos faciendi consilio capituli sui non requisito assensu vel consilio nostro, et ita ut neque nos neque successo-
l.20-res nostri nec quilibet principum super eos aliquam reclamationem faciat, vel aliquam redemptionem proinde exigat. Illi vero jam liberi facti, necnon et omnes servi beati
l.21 Dyonisii, utrique scilicet exeuntes et remanentes, jus et potestatem habeant contra quoscumque liberos omnem legem exequendi, in omnibus finibus regni nostri, salvo scilicet
l.22 in omnibus jure et reverentia beati Dyonisii. Decrevimus quoque, ut si quoslibet homines, liberos vel servos, hospites vel advenas, cujuscumque personȩ, sexus vel ordinis,
l.23 intra castrum vel burgum Sancti Dyonisii, vel infra terminos ab antecessoribus nostris constitutos manentes, contigerit esse usurarios, sub jure tantum sint abbatis et
l.24 monachorum ejus, a nullo redimendi seu puniendi, vel aliquam justiciam cogendi, nisi ab ipsis. Concessimus quoque eidem ȩcclesiȩ, quod si aliquis fuerit falsȩ monetȩ compo-
l.25-sitor, sive falsi auri vel argenti compositor, inventor, vel portitor, infra eosdem terminos repertus, in forisfacturam vel redemptionem ipsam non quisquam ponat manum
l.26 preter abbatem et justiciam ejus. Concessimus etiam ut Judei qui ad presens sunt vel habendi sunt in burgo seu in castello Sancti Dyonisii, usque ad quinque, cum
l.27 familiis suis liberi sint ab omni justicia nostra et ab omni exactione nostra, tantum sub jure sub justicia sint abbatis. Item statuimus, ut quicumque sit
l.28 infra bannileugam Sancti Dyonisii, vel infra terminos suprascriptos, et secundum privilegia antiquitus institutos, a nullo rapiatur, neque res ejus diripiantur infra ipsos
l.29 terminos a nullo inquam nec a nostra persona, neque ab aliquo successorum nostrorum, sed si aliquid forisfecerit seu nobis, seu alii personȩ, ab abbate tantum vel a mona-
l.30-chis ejus justificetur. Contra regiam etiam majestatem nostram si quis injuste aliquid commiserit, clamorem de illo ad abbatem faciemus, et justiciam nobis fieri alicubi
l.31 non exigemus, nisi tantum in curia sancti Dyonisii. Et si causa venerit ad judicium, suscipiemus a qualibet persona, non calumpniantes personam judicantis.
l.32 [chrisme]. [monogramme].
l.33 S. Anselli, tunc temporis dapiferi nostri. S. Gisleberti buticularii. S. Hugonis constabularii. S. Widonis camerarii. Auctum Parisius, in palacio publico, anno incar-
l.34-nati Verbi MCXI, anno vero consecrationis nostrȩ IIIIo.
l.35 Stephanus cancellarius relegendo subscripsit. [sceau].

Bibliographie

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 200-201, n° 347.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 152-158, n° 70.

Responsable

M.-J. Gasse

Comment citer cette notice

Acte n°3077 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3077»[En ligne] http://www.cn-telma.fr/originaux/charte3077/. Date de mise à jour : 29/03/12.