Paris, AN, L 859 n° 32/2

<< < / > >>

Numéro3076

Fiabilité de l'actenon suspecté

Genrecharte

Date1109(fiabilité :texte)

Lieunon identifié

DiocèsePoitiers

RégionPoitou/Charentes

Supportparchemin

Chirographienon

Sceau sceau pendant

Etat de la traditionoriginal

AuteurAimeric, vicomte  de  CHATELLERAULT

BénéficiaireSaint-Denis de Vaux, prieuré de Saint-Denis

Regeste

Aimeric, vicomte de Chatellerault, rétablit l'exemption dont jouissait autrefois l'église de Vaux à l'égard des pouvoirs laïques.

Texte

l.1 Quoniam prudentia priorum patrum scripturam sapientiȩ doctricem memoriȩque tam reparatricem quam custodem
l.2 constituit, placuit, ut sicut per eam preterita cognoscendo recolimus, per eandem presentia futuris propalemus,
l.3 tenacique memoriȩ commendemus. Notum est igitur ȩcclesiam Vallensem a religione cȩpisse regumque primitus boni Dagoberti,
l.4 deinde domni Karoli regis munificentia dilatatam liberam ab omni laicorum oppressione, ȩcclesiȩ Parisiacensi beati
l.5 Dyonisii, a prefatis regibus datam fuisse, quatinus nulla persona in burgo, sive in hominibus ad eandem Vallensem
l.6 ecclesiam pertinentibus, consuetudinario jure presumeret invadere. Hanc siquidem libertatem a predecessoribus nostris interrup-
l.7-tam esse cognovimus, et tempore nostro perturbatam, non sine pȩnitentia confitemur. Hanc igitur invasionis sivȩ perturbationis presump-
l.8-tionem, ego Aimericus Castri Araudi vicecomes volens ex toto resecare, unacum consilio matris meȩ Adenoris,
l.9 et uxoris meȩ Dangerose, fratrumque meorum Bosonis et Petri consensu, constitui ut neque ego, neque successores mei,
l.10 neque aliquis nostrorum, sive ad nos pertinentium, habeant potestatem in burgo de Vaus capere, sive in terra monacorum
l.11 circunquaque adjacente, homines statarios, sive advenas, sive viatores, equum, bovem, asinum immo, nec al[iquam]
l.12 rem, sive juste, sive injuste, invadere presumat. Illud etiam firmissimum esse volumus, ut quicunque ad merca[tum in]
l.13 villam Vallensem tercia feria venerit, quietus cum omnibus suis veniat, maneat et redeat. Si vero forte aliquis venientium
l.14 ad mercatum supra aliqua injuria acusatus fuerit, judicio prioris pro justicia faciat acusanti. Si vero aut prior
l.15 judicare noluerit, aut acusatus judicari contempserit, prima vice sine damno redire ad propria liceat. Quicumque
l.16 insuper ad monachorum molendinos venerint, semper securi veniant et redeant, etiamsi adversarii fuerint.
l.17 Molendinariis alienorum molendinorum precipimus, ut neminem istorum capiant, et maxime prohibemus ut a loquo
l.18 qui vocatur Fossa Rubea usque ad duos ulmos qui sunt Vigennam, nec vi, nec minis, nec prece, nec precio, aliquem
l.19 istorum ad eorum molendinos ire faciant. Quod si fȩcerint, et moduram cum pignore monachis reddiderint, ac
l.20 deinde mihi et successoribus meis de transgressione nostri precepti rectum fȩcerint. Illud etiam concedimus omnibus
l.21 hominibus Vallensis ȩcclesiȩ et volumus quod semper sit memoriale, ut neque ego, neque successores mei, neque prepositus,
l.22 nec vendarius, neque thelonearius, neque potarius, sive aliquis ministrorum nostrorum imponant eis bellum, sive igniti
l.23 ferri judicium, aut aquȩ, sine legitimo testimonio. Hujus siquidem cartȩ munimentum Pictavensis ȩcclesiȩ
l.24 pontificis venerabilis Petri firmavit auctoritas, unacum consilio clericorum suorum, Aimerici decani, Guillelmi
l.25 archidiaconi nostri, Ervei archidiaconi, Willelmi archidiaconi, Rainerii capisterii, Stephani archipresbyteri nostri, Aldeberti capellani, et aliorum, et ipse excommunicavit, et tamdiu excom-
l.26-municatos permanere precepit, donec ȩcclesiȩ Vallensi pro justicia satisfacerent. Hanc et nos nostra auctoritate
l.27 corroboratam militibus nostris, Beloto de Claris Vallibus, Pagano fratri ejus, et Pagano de Monte Oram, Petro Achardo, Araudo fratri ejus, Frogerio Barba, Gauterio filio ejus, Laibunt,
l.28 Aimerico Granoliȩ, Attelino fratri ejus, Zachariȩ de Milmanda, Burchardo, Gaufredo filiis ejus, Johanne de Tuscha, Aimerico fratri ejus, Mauricio de Nuavilla, Petro Tirapredam, Normando Multum, Araudo Freirio,
l.29 firmandam tradidimus. Facta est carta hȩc anno millesimo centesimo nono, ab incarnatione Domini
l.30 Ludovico rege regnante in Francia, Guillelmo Aquitanorum duce vivente. Predictarum injuriarum
l.31 rectificationem confirmaverunt Girardus Engolismensis episcopus et sanctȩ romanȩ ȩcclesiȩ legatus, et domnus
l.32 Leodegarius Bituricensis archiepiscopus, sub excommunicatione.
l.33 [sceau].

Responsable

M.-J. Gasse

Comment citer cette notice

Acte n°3076 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3076»[En ligne] http://www.cn-telma.fr/originaux/charte3076/. Date de mise à jour : 29/03/12.