Léger, archevêque de Bourges, confirme la donation faite à Raoul, prieur de La Chapelaude, par Elias d'Uriel, d'Aldeart, fille de Gilbert Ponton, et de sa dot.

l.1 Ego Leodegarius, gratia Dei Bituricensis archiepiscopus, humilis minister. Notum fieri volo tam presentibus quam futuris, donum
l.2 et conventionem quam fecerat Helias de Uriaco Deo et sancto Dionisio, et Rodulfo, priori de Capella, scilicet de filia Girberti,
l.3 cognomine Pontonis, nomine Aldeart, et de matrimonio quod ipse Girbertus ei tradiderat in manu et in presentia mea, libere
l.4 et absolute absque ullo retinaculo concessit, tali videlicet racione et auctoritate ut in memoria hujus doni jussu et deprecatu
l.5 Helie cartam inde fieri precepi, et ex meo proprio sigillo sigillari. Hoc actum est apud Capellam Sancti Dionisii, in die Ascensionis Domini,
l.6 tempore Philippi Francorum incliti regis. Hujus rei testes sunt isti: Ugo archidiaconus de Magduno, Petrus prior de Leproso,
l.7 Giraldus archidiaconus de Cuslenco, Willelmus de Partena, Rainaldus archipresbiter de Iricione, Bernardus Balbus, Petrus de
l.8 Domarac, Giraldus Augmeratus, Raimundus sacerdos de Buxa, Aimericus clericus, Constancius serviens, et alii plures
l.9 legitimi testes.
l.10 [sceau].

CHAZAUD (M.-A.), Fragments du cartulaire de la Chapelle-Aude, Moulins, 1860, p. 74, n° 35.

VAN DE KIEFT (C.), Etude sur le chartrier et la seigneurie du prieuré de la Chapelle-Aude : XIe-XIIIe siècle, Assen, 1960, p. 13, n° 14.