Hélinand, évêque de Laon, donne à l'abbaye de Saint-Denis l'église de Saint-Gobert, confiée jusqu'alors à des chanoines.

l.1 [croix] IN NOMINE SANCTȨ ET INDIVIDUȨ TRINITATIS. EGO ELINANDUS LAUDUNENSIUM DEI GRATIA PRESUL. SI PRECEDENTIUM PATRUM DILIGENTER VELIMUS ATTENDERE ELUDIA, QUANTA IN EIS ERGA DEI CULTURAM FUERIT LIBERALITAS, LIQUIDO
l.2 possumus colligere, et eorum exemplo studia nostra moresque quam maxime informare, quorum profecto summa fuit devotio ȩcclesiarum negotiis et necessitatibus vigilanter
l.3 insistere, et quȩ minus suppetebant ex proprio benigne supplere. Noverit igitur et presentium industria et futurorum posteritas, qualiter ȩcclesia Sancti GOTBERTI
l.4 a predecessoribus nostris ad serviendum Deo canonicis olim fuerit attributa. Sed quia eorum negligentia et ȩcclesiȩ servitus et exteriora quȩque nostris temporibus jam pene
l.5 ad nichilum devenerant, decrevimus altare loci illius ȩcclesiȩ beatissimi martiris DIONISII tradere, quatinus canonicis illis sua voluntate amotis, abbas tales
l.6 ex fratribus sub monastica regula subrogaret, qui Deo ac tanto confessori digne et laudabiliter deservire, et exteriora fideliter atque prudenter nossent ordinare. Sed et
l.7 CHRISTIANUS miles advocationem quam ipse et parentes ejus super terras loci illius obtinere solebant pro salute animȩ suȩ et parentum suorum Deo et prefato
l.8 martiri annuente uxore sua reddidit, et si qua injuste usurpaverat omnino condonavit. Ut igitur in postmodum hujusmodi efficientia firmius exsisteret, et quod
l.9 pro bono agimus ratum et inconvulsum salvo ȩcclesiastico jure ȩcclesia optineret, hoc scriptum fieri voluimus nostroque et nostrorum assensu corroboratum et sigillo
l.10 assignatum reddidimus, ac ne quis ulterius dissolvere vel contraire presumpserit, anathema nostrum et sanctorum canonum opposuimus, hanc solam benedictionis gratiam
l.11 a fratribus pro hujusmodi obsecrando, ut cotidie in orationibus suis memoriam nostri faciant, post mortem vero anniversarium depositionis nostrȩ diem celebrare ducant,
l.12 pro ȩcclesiȩ tamen ipsius immunitate solidos II annuatim persolvant, nichilque extra consuetudinem hanc ministri nostri ab eis requirant. Recitatum est hoc et confirmatum
l.13 in capitulo Beati Dionisii in audientia domni Ivonis abbatis et fratrum, ipso episcopo sub anathematis vinculo paginam hanc corroborante, et eodem Christiano collaudante.
l.14 Signum Elinandi Laudunensis episcopi qui hoc scriptum fieri jussit. [colonne1] S. Ebali archidiaconi. S. Walteri archidiaconi. S. Manassedis thesaurarii. [colonne2] S. Hilgaudi decani. S. Werimundi sacerdotis. S. Wascelini sacerdotis. S. Haimonis sacerdotis. [colonne3] S. Isembardi diaconi. S. Fulberti diaconi. S. Arnulfi diaconi. S. Odonis diaconi. [colonne4] S. Haimonis subdiaconi. S. Warneri subdiaconi. S. Richeri subdiaconi. S. Odonis subdiaconi.
l.15 S. Thellini. S. Gerardi. S. Widonis. S. Warneri. S. Arnulfi. S. Haimonis. S. Christiani. S. Ramelini.
l.16 Actum Lauduni III idus marcii, anno incarnati Verbi MXCI, regnante rege Philippo anno regni ipsius XXXV,
l.17 epacta XXVIII, indictione XIII. Rotbertus cancellarius relegit. [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 190, n° 305.

DUFOUR-MALBEZIN (Annie), Actes des évêques de Laon des origines à 1151, Paris, CNRS Editions, 2001 (Documents, études et répertoires, 65), p. 115-116, n° 40.