Metz, AD Moselle, H 6
Numéro303
Fiabilité de l'actedouteux
Genrecharte
Date942(fiabilité :édition)
Lieunon identifié
DiocèseMetz
RégionLorraine
Supportparchemin
Chirographienon
Sceau non scellé
Etat de la traditionpseudo-original
Hauteur à gauche310 mm
Largeur en bas500 mm
AuteurAdalbéron Ier, évêque de METZ
BénéficiaireAbbaye de SAINT-ARNOUL de METZ
Regeste
Fac-similé
Texte
l.2 maximum procul dubio nobis a summo patre familias cujus dispensatores esse debemus substantiae fructum confidimus proventurum. Quapropter cognoverit omnium sanctae Dei ecclesiae nostrorumque fidelium sagacitas, quia
l.3 tempore presulatus nostri fratres ex monasterio Sancti confessoris Christi Arnulfi nostram congredientes prȩsentiam, intimaverunt de quadam ad se pertinente terra, sita in loco vel comitatu Calvomontinse, quae primo dono ipsi
l.4 beatissimo confessori tradita fuerat, dum sacratissimum corpus ejus ab eisdem partibus deportatum ob frequentium miraculorum in via a cunctis venerabiliter exciperetur atque honoraretur sed ab antecessoribus
l.5 postmodum nostris in beneficium data ab eodem loco penitus subtracta videbatur; de qua etiam scriptum quo tota ejus ratio continebatur, apud se ex multo tempore servatum, nostris obtutibus exhibuerunt
l.6 cujus rei tenorem nobiscum sollicitius pertractantes, divina cordi nostro inspirante clementia cum totius alacritatis et devotionis affectu, communi etiam fidelium nostrorum consultu atque consensu
l.7 eidem sanctissimo pontifici nostroque patrono beato Arnulfo incunctanter, decrevimus restituenda; atque in ipsa eadem festivitate translationis ejus in qua ei donata fuerat, venerabile ipsius
l.8 adeuntes sepulchrum sub omni integritate reddidimus; ea videlicet ratione, ut monachi ibidem Domino et sancto Arnulfo in regulari conversatione famulantes, exinde subsidium, tam
l.9 ad suos quam ad quorumcumque supervenientium habeant usus, et sub jure ac potestate eorum cunctis deinceps temporibus consistat; quatinus ipsum beatissimum pontificem nobis habere
l.10 possimus adjutorem, et ipsi fratres instantius pro nobis, clero ac plebe nostra Dominum studeant implorare. Quo facto a nobis pro amore Dei et sancti Arnulfi pia intentione celebrato, precamur atque convenimus omnes sanctae huic
l.11 sedi superventuros vel ceteras quascumque personas, ut nulla umquam ratione illud pervertere aut a loco sancto aliquatenus aut per beneficium vel precariam seu concamium vel ullo alio modo eis liceat alienare, sed tamquam
l.12 a se essent statuta, firma et inviolata omni tempore sinant universa [consistere], sicut ea quae ipsi statuerint a succedentibus cupient observari, quo videlicet nobiscum a Domino, meritis beatissimi Arnulfi copiosissimae retribu-
l.13-tionis valeant fructum percipere.
Notes
Bibliographie
Histoire de Metz, par les religieux bénédictins de la Congrégation de Saint-Vanne, 6 vol., Metz, 1775, t. 3, Pr, p. 63.
STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 129, n° 42.
Responsable
M.-J. Gasse
Comment citer cette notice
Acte n°303 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°303»[En ligne] http://www.cn-telma.fr/originaux/charte303/. Date de mise à jour : 29/03/12.