Charles le Chauve, roi des Francs, confirme les possessions de l'abbaye de Saint-Denis à Salonnes, Liepvre, Blittesdorf, situées dans les royaumes de Lothaire II et de Louis le Germanique.

l.1 [chrisme] [Amen] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI PETITIONIBUS SERVORUM DEI ET UTILITATIBUS ECCLESIARUM CONSULIMUS ET HOC AD AFFECTUM PERDUCIMUS,
l.2 retributorem exinde Dominum habere confidimus. Idcirco cognoscat utilitas seu sollertia omnium fidelium nostrorum, tam presentium quam et futurorum, quia venerabilis Hludovuicus propinquus noster, abba monasterii
l.3 Christi martyris Dionysii, defensoris et specialis patroni nostri, acc sociorum ejus, accessit ad clementiam nostram et innotuit nobis de quibusdam abbatiolis in regno dilectissimi nepotis nostri Hlotharii regis, id est Salona
l.4 in pago Salninse et Lepraha infra Vosagum, consistentibus cum omnibus earum adjacentiis necnon et de aliis rebus, id est Ezelingas et Herbertingas sed et Adalungi cella, in regno excellentissimi fratris nostri
l.5 Hludovuici regis Alamanniae conjacentibus, quas quondam venerabilis Folradus, abba prefati monasterii, sanctissimo Dionysio Christi martyri et fratribus sibi famulantibus ac in luminaribus ejusdem loci firmitate
l.6 cartarum et auctoritate preceptorum contulerat, quasque predicti fratres semper ex tunc in usu proprio tenuerant, sed benivola voluntate eidem Hludovuico jamdicto abbati a paganis erepto et in multis fracto concesserant.
l.7 Adtamen videns et recognoscens periculum animae suae quod easdem res in proprio dominio retinuisset, deprecatus est nostram celsitudinem ut de Lepraha cella cum omnibus sibi adjacentibus villis et de Ezelingas ac Herbertingas et Adalungi cella, cum patella una
l.8 et stadivo uno in vico Bodesio, necnon et Blitherivillam cum omnibus legaliter ibidem aspicientibus, sicut Adelardus fidelis noster per precariam tenet, firmitatis preceptum contra venturos abbates fratribus prefati loci facere dignaremur,
l.9 quatenus abbas quislibet succedens Salonam cum omnibus ibidem rebus, excepto Blitherivillam, adjacentibus, fratres vero suprascriptas res absque ulla inquietudine aut pervasione vel distractione alicujus abbatis tenerent. Itaque annuentes precibus prenominati
l.10 Hludovuici abbatis, propinqui nostri, secundum quod in testamento venerabilis Folradi abbatis continetur, monachis predicti monasterii Sancti Dionysii tam in stipendiis victualium quamque in luminaribus et receptione pauperum prefatas res precepto auctoritatis nostrae
l.11 confirmamus, commonentes et contestantes futuros abbates ut quod a nobis est concessum et roboratum custodiant. Auditor et observator hujus precepti aeternam recipiat mercedem. Violator quislibet vinculo privilegii domni Leonis apostolici et anathematis
l.12 super res prefatas firmato si non resipuerit innodatus permaneat. Ut autem hoc preceptum instar privilegii perscriptum plenius observetur, manu propria subter firmavimus et de anulo nostro sigillari jussimus.
l.13 SIGNUM KAROLI [monogramme] GLORIOSISSIMI REGIS.
l.14 GAUZLINUS AD VICEM HLUDOVUICI ABBATIS RECOGNOVI ET [ruche_notes_tironiennes] [sceau].
l.15 ACTUM Compendio palatio regio, anno XXVI regnante gloriosissimo rege Karolo.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 545, n° 137.

TARDIF (Jules), Monuments historiques - Paris, 1866, (Archives de l'Empire. Inventaires et documents), p.127-128, n° 196.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 619-622, n° 488.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 28 (fac-similé).