Paris, AN, K 13 n° 10/3

<< < / > >>

Numéro3021

Fiabilité de l'actedouteux

Genrecharte

Date862(fiabilité :texte)

LieuSoissons(lat :Suessionica urbe)

DiocèseParis

RégionIle-de-France

Supportpapyrus

Chirographienon

Sceau non scellé

Etat de la traditionpseudo-original

AuteurConcile  de  SOISSONS

BénéficiaireAbbaye  de  SAINT-DENIS

Regeste

Les évêques, réunis en synode à Soissons, confirment le partage des biens de l'abbaye de Saint-Denis entre l'abbé et les religieux.

Texte

l.1 In nomine sancte et individue Trinitatis, anno ab incarnatione Domini octingentesimo sexagesimo secundo, indictione secunda, regni vero gloriosissimi domni nostri Karoli regis vicesimo
l.2 tertio, evocatis nobis episcopis, quorum nomina subscriptionibus in fine declarantur, diversarum provinciarum et urbium ad regalem sinodum, et jamdiu in tractatu rerum ecclesiasticarum occupatis, in loco qui vocatur Pistis, rursusque, a regia potestate,
l.3 Suessionica urbe conductis, pro causis quibuslibet ecclesie audiendis, dilecti filii nostri monachi ex monasterio preciosorum martirum Dionisii, Rustici et Eleutherii, assistente reverentissimo et carissimo nobis abbate de eodem cenobio Hludocivo
l.4 et petitiones eorum suo consensu firmante et pro eorum commodis nos humiliter rogante, petierunt unanimitatem nostram quo adversus cupidorum insidias eos premuniremus ac ecclesiastica autoritate fulciremus, ne forte aliquando perversorum infestationibus
l.5 concussi sancti propositi dispendium anime eorum paterentur, sed potius, divine gratie affluentia et regia munificentia largiente, nostre quoque mediocritatis aliquid suffragante diligentia, omni prorsus et maxime clericorum infestatione seclusa, absque ulla inquietu-
l.6-dine valerent implere quod bonorum omnium auctori voverunt. Igitur hoc postulantes optulerunt nostris obtutibus, presente etiam domno Karolo rege, qui petitionibus predictorum fratrum piissimo favebat affectu, quedam privilegia [sanctissimorum]
l.7 pontificum, necnon et precepta clarissimorum regum de libertate predicti monasterii, ab eisdem suis temporibus honorifice confirmata, insuper et apostolica auctoritate inviolabiliter corroborata. Ergo residens idem Deo amabilis rex Karolus in ipsa universali sinodo, predecessorum
l.8 suorum precepta et privilegia seu confirmationes apostolicis auctoritatibus roboratas, maxime autem privilegium domni Landerici, religiosi Parisiorum episcopi, sollicite consideratum quod ut hic regularis ordo inviolabiliter conservaretur, terribiliter et mirabiliter
l.9 testando, ob deprecationem domni Hludovuici filii Dagoberti incliti regis, factum, et sanctorum, qui usque hodie in miraculis corruscant, manibus roboratum ipsi ecclesie tradidit et libertatis eam privilegio honoravit, publice recitari jussit. Quo facto,
l.10 hortatu pariter ac deprecatione ipsius precellentissimi regis, predicti Hludovici abbatis ceterorumque Sancti Dionisii monasterii fratrum petitionibus ascensum prebuimus, scilicet ut ea quae superius conprehensa sunt, nostra, qua pre-
l.11-valemus, auctoritate roboremus. Statuentes igitur sancimus omnes videlicet episcopi, qui predicte sinodo interfuimus, ut ea omnia, que in predictis privilegiis seu preceptis continentur, jamdicti monasterii sanctissimi Dionisii monachi,
l.12 tam ipsi quam successores eorum, per ventura tempora, absque cujuslibet parisiace urbis episcopi repetitione, seu cujuscumque reclamatione vel contradictione, quiete imperpetuum possideant. Quin etiam ego ipse Eneas, acsi indignus [Pari-
l.13-siace] urbis episcopus, hoc consentiens laudavi, privilegiumque domni Landerici, antecessoris mei, omnino equitatis tramitem servare approbans, corroboravi corroboratumque nunc et futuris temporibus mandavi, omnibusque successoribus meis, per
l.14 omnipotentem Deum, qui verbo suo cuncta creavit et spiritu oris sui universa formavit, interdico ne quicquam ex his omnibus quolibet modo reppetere audeant umquam. Si quis autem tanti regis, domni scilicet Karoli, immo Dei beneficium hujusque
l.15 universalis sinodi benivolentiam fraudulenter seu violenter subvertere presumpserit, eum, velut rapacem atque sacrilegum, a populi Dei societate justo atque tremendo anathemate separamus, nisi digna penitentia et subsequente
l.16 emendatione, quod perpere ȩgit, correxerit. Hoc autem nostrum decretum, sicut est, ut verum esse credatur et firmissime ab omnibus catholice fidei presentibus et futuris teneatur cultoribus, subscriptionibus propriis firmavimus. [colonne1] Hincmarus sancte metropolis ecclesie Remorum episcopus subscripsi. Angimoldus Suessonice ecclesie episcopus subscripsi. Heimeradus Ambianensis episcopus subscripsi. Erbuinus Silvanectensis episcopus subscripsi. Hincmarus Laudunensis episcopus subscripsi. Odo Belvagorum episcopus subscripsi. Humfidus Morinensis episcopus subscripsi. Raginelmus Tornacensis episcopus subscripsi. Guilliborus Catalaunorum episcopus subscripsi. [colonne2] Vuanilo sancte metropolis ȩcclesie Senonum episcopus subscripsi. Aeneas Parisiace ecclesiae episcopus subscripsi. Gilbertus Carnutensis episcopus subscripsi. Agius Aurelianorum episcopus subscripsi. Hildegarius Meldensis episcopus subscripsi. Abbo Nevernensis episcopus subscripsi. [colonne3] Rodulfus sancte metropolis ecclesie Biturice episcopus subscripsi. Jonas Eduorum episcopus subscripsi. Godelsa Cacilonensium episcopus subscripsi. Vraidenus Matiscensium episcopus subscripsi. Folchrius Auguste Tricorum episcopus subscripsi. [colonne4] Vuenelo sancte metropolis ȩcclesie Rotomagorum episcopus subscripsi. Hairardus Luxoviensis episcopus subscripsi. Vualtbertus Abrincatensis episcopus subscripsi. Gontbertus Ebrocensis episcopus subscripsi. Hildebrandus Sagensis episcopus subscripsi. Herluinus Constantiane episcopus subscripsi. [colonne5] Herardus sancte metropolis ecclesie [Turonensis episcopus subscripsi]. Dado Andegavensis ecclesie [episcopus subscripsi]. Aitardus Ninnanetice civitatis [episcopus subscripsi]. Frotarius sancte metropolis ecclesie Burdegalensis [episcopus subscripsi]. Freculfus Sanctonicensis ȩcclesiȩ episcopus subscripsi. Ingeraddus Pictavorum [episcopus subscripsi].
l.17 Adeligarius notarius, ad vicem Gauzleni, regie dignitatis cancellarii, recognovit.

Bibliographie

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 122-124, n° 188.

ATSMA (Hartmut), VEZIN (Jean), Les faux sur papyrus de l'abbaye de Saint-Denis, in KERHERVE (Jean), RIGAUDIERE (Albert) (éd.), Finances, pouvoirs et mémoire. Mélanges offerts à Jean Favier, Paris, 1999, p. 674-699.

Responsable

M.-J. Gasse

Comment citer cette notice

Acte n°3021 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3021»[En ligne] http://www.cn-telma.fr/originaux/charte3021/. Date de mise à jour : 29/03/12.