Les évêques réunis en synode confirment la donation du domaine de Marnay faite à l'abbaye de Saint-Denis.

l.1 [chrisme] Universalis synodus ex variis Galliae partibus ad locum evocata cui nomen est Pistis, venerabilibus [coepiscopis nostris],
l.2 reliquisque fidelibus. Maximis tribulationum pressi calamitatibus, quas nullo reluctante culpae nostrae merentur, consola-
l.3-tionem habemus in eo qui ait: In mundo pressuram habebitis, sed confidite, ego vici mundum; nec ejus nos gratia destitui posse credimus,
l.4 qui polliceri dignatus est: Ecce ego vobiscum sum omnibus diebus usque ad consummationem saeculi. Proinde apostolicae dignitatis quan-
l.5-quam indigni heredes, pastoralem curam omnibus passim inpendimus, et religionis cultum invicta stabilitate desiderantibus
l.6 custodire, copiam facultatis cupimus praeparare. Quod ut evidentius clarescat, cognoscite carissimum filium nostrum Hludovuicum
l.7 venerabilem abbatem ex coenobio praecellentissimorum Christi martyrum Dionysii, Rustici et Eleutherii, fratresque ejus monachos
l.8 diuturna Nortmannorum incursione vexatos, ad insidias ac violentiam eorum declinandam, munificentia gloriosissimi
l.9 regis Karoli, praedium quoddam cui nomen est Madriniacus, in pago Morivensi, consecutos, ubi in elemosina patris ejus Hlodovuici
l.10 serenissimi augusti, et matris ejus Judith, ipsius quoque et conjugis ejus Hirmintrudis reginae, cellam refugii aedificarent
l.11 in honorem Dei et memoratorum clarissimorum martyrum Dionysii sociorumque ejus, ac flagitare praefatum abbatem et monachos
l.12 ejus, ut votum regis, ipsorum necessitudini consulentes, nostro consilio et auctoritate roboraremus, ne ipsi aut successores
l.13 eorum aliquam hinc calumniam paterentur, sed quieti et inmunes, sub regula beati Benedicti, domino Deo famularentur, et nec
l.14 a regia potestate, nec ab episcopali auctoritate, nec a successoribus Hludovuici abbatis, aliquam inquietudinem paterentur,
l.15 quasi jus habentibus propinquis, aut quibuslibet suorum fundum praedictum beneficii nomine largiendi. Quorum
l.16 petitioni, quia rata erat, libenter adquiescentes, statuimus ut liberalitas domini nostri regis Karoli, Dei servis perpetuo
l.17 profutura, stabilis permaneat, nec in usum saecularium aliquatenus cedat, anathematis qui hanc temerare praesumpserit
l.18 animadversione a Dei populis separandis. Monemus autem praesentes secuturosque Dei servos, ut professionem suam, con-
l.19-tempta saeculi vanitate, honestis moribus et sanctis actibus exequantur, ut nostro ministerio sibi divinitus procurata quiete, et semet-
l.20-ipsos salvare studeant, et suis sanctis intercessionibus, benefactoribus suis cunctisque fidelibus prodesse praevaleant. Hanc autem
l.21 constitutionem nostram, ad laudem Dei profectumque servorum ejus, quamdiu Deus et Dominus noster ecclesiam suam
l.22 durare concesserit perseveraturam, subscriptionibus propriis decrevimus confirmare.
l.23 [croix] Vuenilo munere divino Sennensis ecclesiae episcopus subscripsi.
l.24 [chrisme] Hincmarus sanctae metropolis ecclesiae Remorum episcopus [amen] subscripsi.
l.25 [croix] [Vuanilo] humilis Rotomagorum episcopus subscripsi. [croix] [chrisme] OTTULFUS SANCTAE AUGUSTAE TRICORUM ECLESIAE EPISCOPUS SUBSCRIPSI. [colonne1] [croix] Herpuinus Silvanectensis episcopus subscripsi. [croix] AENEAS PARISII EPISCOPUS SUBSCRIPSI. [croix] JONAS HUMILIS EDUORUM EPISCOPUS SUBSCRIPSI. [croix] Godelsadus Cabilonensis episcopus subscripsi. [croix] Herluinus Constantiensis episcopus subscripsi. [croix] GONTBERTUS EBROCENSIS EPISCOPUS SUBSCRIPSI. [chrisme] Heirardus Lixuviensis episcopus subscripsi. [chrisme] Hildebrandus Sagensis ecclesiae episcopus subscripsi. [chrisme] RAGINELMUS TORNACENSIS ECCLESIAE EPISCOPUS SUBSCRIPSI. [croix] Erchenraus indignus sanctae Catalaunensis ecclesiae episcopus subscripsi. [croix] Odo indignus Belloacensium episcopus subscripsi. [croix] Hildegarius Meldensis ecclesiae episcopus subscripsi. [chrisme] Folchricus Augustae Tricorum indignus episcopus subscripsi. [colonne2] [croix] Hludovuicus abba subscripsi [ruche]. [croix] Adalhardus abba subscripsi. [croix] Vualdo abba subscripsi. [croix] In Dei nomine ego Lupus subscripsi. FROIDOINUS INDIGNUS ABBA SUBSCRIPSI. Hincmarus Laudonensis ecclesiae episcopus subscripsi. [chrisme] Gauzlenus regiae dignitatis cancellarius subscripsi. [chrisme] Vulfridus Resbacinsis monasterii abba subscripsi. [colonne3] [sceau].
l.26 Data VII kalendas julii, anno ab incarnatione Domini DCCCLXI, indictione VIIII, regni vero gloriosissimi regis Karoli XXII, in supradicto loco Pistis. Heribergo rogatus. In nomine Domini. Amen.