Lothaire, empereur, restitue à l'abbaye de Saint-Denis la Valteline qui avait été donnée au comte Matfrid.

l.1 [chrisme] IN NOMINE DOMINI NOSTRI JHESU CHRISTI DE AETERNI, HLOTHARIUS, DIVINA ORDINANTE PROVIDENTIA IMPERATOR AUGUSTUS. SATIS CONGRUIT IMPERIALI MAJESTATI, UT TANTO BENIGNIUS AC LIBENTIUS
l.2 sacerdotum Dei petitionibus faveat eorumque utilitatibus consulat, quanto eos devotius divinis cultibus famulari et egregiis perspexerit moribus concordari. Quapropter omnium fidelium sanctae Dei ecclesiae ac nostrorum presentium scilicet et futurorum
l.3 magnitudo comperiat, quia venerabilis turma monachorum sancto Dionisio degentium nostram per missos suos expetierunt serenitatem, ut Vallem Tillinam, quae in regno Italiae consistit et olim ad prefatum sanctum locum delegata esse dinoscitur, sed ob dissensionem,
l.4 quae inter domnum et genitorem nostrum Hludovuicum et nos nuper versata est, a potestate predicti sancti loci fuerat remota, nostra munificentia ibidem restitueretur. Quibus jungentes se precibus Hilduinus venerabilis vocatus archiepiscopus sacrique palatii nostri
l.5 notarius summus, Matfridus etiam fidelis ministerialis noster et inluster comes, qui eandem nostro retinebat jure beneficiaro vallem, deprecati sunt impleri petitionem famulorum Dei ob memoriam nostri et reverentiam piissimi loci. Quorum
l.6 precibus nos propter amorem Dei et reverentiam sanctorum martyrum Dionisii, Rustici et Heleutherii libentissime aurem accommodantes [hos no]strae sublimitatis apices fieri decrevimus, per quos memoratae ecclesiae vallem prenotatam cum omnibus ad se juste
l.7 et legaliter pertinentibus, terris videlicet cultis et incultis, vineis, silvis, pratis, pascuis, olivetis, pastis, pomiferis, salictis, aquis aquarumve decursibus, molendinis, exitibus et regressibus necnon et mancipiis utriusque sexus ibidem pertinentibus, quemam-
l.8-modum temporibus avi et genitoris nostri eadem retinuit potestas, concedimus et restituendo sancimus, ita ut deinceps per hanc nostram auctoritatem pars sȩpedictȩ ecclesiae absque cujuspiam potestatis contradictione vel aliqua diminoratione
l.9 eandem sub integritate obtineat atque possideat, [quatinus hoc munere stabilito devotius ac diligentius] pro nostra, conjugis ac prolis incolumitate congregatio inibi degens assidue Domini misericordiam valeat exorare.
l.10 Et ut haec nostrae auctoritatis preceptio atque confirmatio ratam et inconvulsam obtineat firmitatem, manu propria subter eam firmavimus anulique nostri impressione adsignari jussimus.
l.11 SIGNUM [monogramme] HLOTHARII SERENISSIMI AUGUSTI.
l.12 [chrisme] REMIGIUS NOTARIUS AD VICEM HILDUINI RECOGNOVI ET [ruche_notes_tironiennes] [sceau].
l.13 Data III nonas januarii, anno Christo propitio imperii domni Hlotharii piissimi augusti [in Italia vigesimo et in Francia VIII], indictione XI. Actum Aquisgrani palatio regio. In Dei nomine, feliciter. Amen [notes_tironiennes].

Restitutions par une main du XVIe siècle : "atque possideat" (ligne 9), "vigesimo et in Francia" (l. 13).

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 384, n° 26.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 106-107, n° 168.

LEVILLAIN (L.), Les diplômes originaux et le faux diplôme de Lothaire I^er pour l'abbaye de Saint-Denis, in Bibliothèque de l'Ecole des Chartes, 95 (1934), p. 225-258, p. 256-258, n° 4.

SCHIEFFER (Th.), Die Urkunden Lothars I. und Lothars II., Berlin-Zurich, 1966 (MGH Diplomata Karolinorum, 3), p. 238-240, n° 100.