Charles le Chauve, roi des Francs, confirme la donation des domaines de Morancy, de Crouy et de Trocy dans le Beauvaisis, faite par son fidèle Leuto, à l'abbaye de Saint-Denis.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. CUM EA QUAE FIDELIBUS NOSTRIS MUNIFICENTIA LIBERALITATIS NOSTRAE LARGIMUR, QUAE ETIAM IPSI OB AMOREM DEI SANCTORUM REVERENTIAE ET SERVORUM CHRISTI UTILITATIBUS TRADERE
l.2 procurant, nostrae auctoritatis precepto secundum eorum petitionem ad devotionem ipsorum confirmare satagimus, Christianorum regum consuetudinem exercemus. Proinde noverit omnium fidelium Dei ac nostrorum, presentium scilicet et futurorum, industria quia Leuto, fidelis noster, celsitudinis nostrae adiens excellentiam petiit
l.3 ut res quas ei largitatis nostrae benignitate per nostrae auctoritatis preceptum in proprium tradidimus quasque ipse divinae inspirationis amore conpunctus sancto Dionysio, pretiosissimo patrono nostro, monachisque in ejusdem sancto coenobio consistentibus legaliter tradiderat nostra auctoritate ab eo traditas confirmaremus, quatenus et merces nobis apud Deum
l.4 per intercessionem jamdicti pretiosissimi protectoris nostri et orationes servorum Dei amplior adcresceret et jamdicti fidelis nostri devotioni plenius satisfacere studeremus. Cujus petitioni liberalissime annuentes, per hoc nostre auctoritatis preceptum easdem res, villam scilicet quae nuncupatur Maurinciagi curtis, sitam in comitatu Camliacense
l.5 super fluvium Isere, cum adjacentiis ac pertinentiis suis, villulas videlicet duas ibidem suprapositas prefato nomine nuncupatas cum ecclesia ibidem sita, et in alio loco, villam nuncupatam Croiacum et in tertio loco, in pago Belvacense, in villa quae apellatur Trociacus, mansus duos hoc nostrae confirmationis edicto ad prefatam casam Dei eo tenore
l.6 eaque condicione sicut in donationis vel traditionis carta jamdicti fidelis nostri Leutonis continetur traditas vel confirmatas esse concedimus et in perpetuum per futura tempora confirmamus. Et ut hec nostrae confirmationis auctoritas pleniorem in Dei nomine per ventura tempora obtineat firmitatis vigorem,
l.7 eam manu nostra subter firmare decrevimus et anuli nostri inpressione signari jussimus.
l.8 SIGNUM [monogramme] KAROLI GLORIOSISSIMI REGIS.
l.9 [chrisme] RAGEMFRIDUS NOTARIUS AD VICEM HLUDOVUICI RECOGNOVIT ET [ruche_notes_tironiennes] [sceau].
l.10 Data XII kalendas februarii, anno V regnante Karolo glorioso rege, indictione VII. Actum Compendio palatio regio. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 454, n° 32.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 97, n° 147.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 184-187, n° 65.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 15 (fac-similé).