Lothaire, empereur, restitue à l'abbaye de Saint-Denis, l'abbaye de Saint-Mihiel dans le pagus de Verdun.

l.1 [chrisme] IN NOMINE DOMINI NOSTRI JHESU CHRISTI DEI ATERNI, HLOTHARIUS, DIVINA ORDINANTE PROVIDENTIA IMPERATOR AUGUSTUS. SATIS CONGRUIT IMPERIALI MAJESTATI, UT TANTO BENIGNIUS AC LIBENTIUS SERVORUM DEI PETITIONIBUS FAVEAT EORUMQUE UTILITATIBUS CONSULAT, QUANTO EIS DEVOTIUS DIVINIS CULTIBUS FAMULARI ET AEGREGIIS PROSPEXERIT CONCORDARI.
l.2 Quapropter omnium fidelium sanctae Dei aeclesiae ac nostrorum procerum presentium scilicet et futurorum magnitudo comperiat, quia vir venerabilis et propinqus noster Hludovuicus abba nobis admodum dilectus et monasterii pretiosissimorum Christi martirum Dionisii sociorumque ejus custos, cum caterva monachorum inibi Deo militantium
l.3 expetiit serenitatem nostram pro abbatia Sancti Michaelis, quȩ in pago Virdunensi consistit et olim ad prefatum locum delegata esse dinoscitur, set ob dissensionem, quae inter domnum et genitorem nostrum Hludovuicum et nos nuper versata est, a potestate predicti sancti loci fuerat remota, nostra munificentia ibi restitueretur.
l.4 Quorum precibus jungentes se Hilduinus, venerabilis vocatus archiepiscopus sacrique palatii nostri notarius summus, Matfridus etiam fidelis ministerialis noster et inluster comes, qui eandem abbatiam nostro retinebat jure beneficiaro, deprecati sunt impleri petitionem predictorum ob memoriam nostri et reverentiam piissimi loci.
l.5 Quorum nos precibus propter amorem Dei et reverentiam sanctorum martyrum Dionisii, Rustici et Eleutherii libentissime aurem accommodantes hos sublimitatis nostrae apices fieri decrevimus, per quos memorate aeclesiae prenominatam abbatiam Sancti Michaelis cum omnibus ad se juste et legaliter pertinentibus,
l.6 terris videlicet cultis et incultis, silvis, pratis, pascuis, aquis aquarumve decursibus, exitibus et regressibus necnon et mancipiis utriusque sexus ibidem pertinentibus vel aspicientibus, quemadmodum temporibus avi et genitoris nostri eadem retinuit potestas, concedimus et restituendo sancimus, ita ut deinceps
l.7 per hanc nostram auctoritatem pars sepedicte aeclesiae absque cujuspiam potestatis contradictione vel aliqua diminutione eandem Sancti Michaelis abbatiam cum omni integritate obtineat atque possideat, quatenus hoc munere stabilito devotius ac diligentius pro nostra, conjugis quoque
l.8 ac prolis incolomitate et rengni stabilitate congregatio inibi degens assidue Domini misericordiam valeat exorare. Et ut haec nostrae auctoritatis preceptio et confirmatio in Dei nomine ratam et inconvulsam obtineat firmitatem, manu propria subter eam firmavimus anulique impressione assignari jussimus.
l.9 SIGNUM [monogramme] LOTHARII SERENISSIMI AUGUSTI. [chrisme] ERCAMBOLDUS POTARIUS AD VICEM AGILMARI RECOGNOVI [ruche] [sceau].
l.10 Data XII kalendas n[ovimbris, anno Chri]sto propitio imperii domni Lotharii piissimi augusti in Italia XXIII et in Francia VI. Actum Aquisgrani palatio regio. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 375, n° 15.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 107, n° 169.

LEVILLAIN (L.), Les diplômes originaux et le faux diplôme de Lothaire I^er pour l'abbaye de Saint-Denis, in Bibliothèque de l'Ecole des Chartes, 95 (1934), p. 225-258, p. 251-252, n° 2.

SCHIEFFER (Th.), Die Urkunden Lothars I. und Lothars II., Berlin-Zurich, 1966 (MGH Diplomata Karolinorum, 3), p. 317-319, n° 142.