Charles le Chauve, roi des Francs, concède à son fidèle Herman, vassal de Louis, abbé de Saint-Denis, un manse du domaine royal situé dans le pagus de Paris, dans la villa Boisselle.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. REGALIS CELSITUDINIS MORIS EST FIDELES SUOS DONIS MULTIPLICIBUS ET HONORIBUS INGENTIBUS
l.2 honorare atque sublimare. Proinde morem parentum regum videlicet predecessorum nostrorum sequentes, libuit celsitudini nostrae quendam fidelem nostrum Herimannum nomine, vassallum scilicet Hludovuici abbatis,
l.3 de quibusdam rebus nostrae proprietatis honorare atque in ejus juris potestatem liberalitatis nostrae gratiam conferre. Idcirco noverit experientia atque industria omnium fidelium nostrorum, tam presentium quam et futurorum, quia
l.4 concedimus eidem fideli nostro Herimanno ad proprium quasdam res juris nostri sitas in pago Parisiacense, in villa quae dicitur Buxidello, mansum unum cum omni integritate vel suis omnibus appendiciis, cum domibus,
l.5 aedificiis, mancipiis, terris, vineis, pascuis, adjacenciis, cultis et incultis, vel etiam quicquid ad supradicto manso juste et legaliter pertinere videtur, predicto fideli nostro Herimanno ad proprium per hanc nostrae auctoritatis
l.6 conscriptionem concedimus et de nostro jure in jus ac potestatem illius sollemni donatione transferimus, ita videlicet ut quicquid ab hodierna die et tempore exinde pro sua utilitate atque commoditate
l.7 jure proprietario facere decreverit, liberam et firmissimam in omnibus habeat potestatem faciendi quicquid voluerit, tam donandi quam vendendi necnon etiam heredibus relinquendi. Et ut haec nostrae largi-
l.8-tionis atque donationis auctoritas perpetuam obtineat firmitatem, manu propria subter eam firmavimus et anuli nostri inpressione adsignari jussimus.
l.9 SIGNUM [monogramme] KAROLI GLORIOSISSIMI REGIS.
l.10 [chrisme] JONAS NOTARIUS AD VICEM HLUDOVUICI RECOGNOVI ET SUB[SCRIPSI] [ruche_notes_tironiennes] [sceau].
l.11 Data VIII idus novembris, anno Christo propitio IIo regnante Karolo gloriosissimo rege, indictione II. Actum monasterio Sancti Dyonisii. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 427, n° 1.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 94, n° 138.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 16-18, n° 5.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 3 (fac-similé).