Étienne, comte de Blois, retire à Eudes de Bray les coutumes concédées sur Rosay par l'église cathédrale de Paris, pour cause d'exactions.

l.1 [chrisme] IN NOMINE UNIUS ET INDIVIDUAE TRINITATIS. Quia karitas operit multitudinem peccatorum [oportet] nos ad illam
l.2 cum timore et reverentia gressum pietatis dirigere, sine qua nec anima vivere, nec ulla virtus valet
l.3 ne valebit existere. Que divinȩ contemplationis avida, ab omnibus terrenis ac presentibus desiderio
l.4 efficitur aliena. Haec quidem finis est bonorum operum, haec est portus quietis ex isto naufragio et illam
l.5 digne tendentium. De hac recte dicitur: Deus karitas est, hic est Deus, Deus noster in aeternum, qui ducet suos ad patriam
l.6 ubi est caritas sine simulatione vita sine morte, gloria sine defactione, ubi est illa gloriosa civitas ange-
l.7-lorum et hominum, in qua regnant et regnabunt aeterna felicitate sancti, heredes quidem Dei, coheredes autem Christi, cui
l.8 honor et gloria in secula amen. Ego igitur Stephanus comes omnibus notificari cupio, quod quasdam consuetudines, quas in villam
l.9 beatae MARIAE Parisiensis que vocatur Rosetum sibique vilulis adjacentibus in dominio mihi tenendas jus hereditatis
l.10 attulerat, cuidam Odoni de Braico aliquantulum inconsulte consensi. Consuetudinis autem erat, quod unoquoque anno
l.11 festivitate beati Martini quȩ est in novembrio XXV solid. Proveniensis monete pro tensamento ville pater meus habe-
l.12-bat. Quod si aliquociens voluisset in villa comedere, quod necessarium esset sumptui sibi credebatur si precium crediti solve-
l.13-retur, iterum credebatur; sin autem non amplius quicquam donec redderet credebatur. Ad hec de porcis in silvam beate MARIE missis
l.14 ad pascua dimidium habebat pasnaticum; si vero non essent pascuȩ, nec porci ad pascendum mitterentur in sillvam non
l.15 habebat. Si de porcis ville pro pasnatico clamaretur, majori beatȩ Marie erat tota justicia; si de alienis, communis
l.16 ut pasnaticum. Haec patris mei fuerunt ex consuetudine. Horum siquidem occasione totam villam indesinenter et inhumanȩ
l.17 predictus Odo vastebat. Ego vero prefatȩ karitati placere desiderans, mihique et ecclesie Parisiensi melius quam in Odone
l.18 consulens, omnem illam consuetudinem precibus canonicorum ejusdem aecclesiae de manu predonis illius abstraxi, mihique ac
l.19 posteris meis, quemadmodum pater meus et antecessores mei, in dominio eam possederant propriam in perpetuum habere decrevi. Et ne
l.20 hoc aliqua vetustate posset deleri, scripto mandavi, sigillo
l.21 meo signavi manuque propria uxore mea filiisque meis unanimiter annuentibus et hoc idem ex voto
l.22 confirmantibus in perpetuum roboravi. Totam villȩ justiciam facie major beatȩ MARIE; quod si
l.23 noluerit vel non poterit, de alieno clamore veniet in manu mea.
l.24 Testes Botardus, Guibaldus, Andreas filius Leteri, Albertus Rufus, Lantbertus prepositus, Hermannus, Girardus, Hemelinus,
l.25 Isembardus Villȩ novȩ, Hugo Panificus, Goisbertus Jomi, Erardus Coropalatius, Walerannus Paner.
l.26 [croix] Signum Stephani filii comitis. [croix] Signum comitis Stephani. [croix] Signum comitissȩ A.. [croix] Signum Vuilelmi filii comitis.

BARTHELEMY (Anatole de), Lettre à M. Félix Bourquelot sur un texte attribué au IXe siècle in Bibliothèque de l'Ecole des Chartes, 27 (1866), p. 159-161.

TARDIF (Jules), Monuments historiques - Paris, 1866, (Archives de l'Empire. Inventaires et documents), n° 319.