Thibaud, comte de Champagne, et sa mère Ermengarde, donnent à l'abbaye de Marmoutier les terres de Ventelay.

l.1 [chrisme] [Amen, amen] IMMENSA DEI BONITAS UNIVERSITATI CONSULENS GENERIS HUMANI ELEMOSYNAM IMPERTIRE DE POSSESSIS AC FACERE NOBIS AMICOS DE MAMMONA INIQUITATIS PRECIPIT A QUIBUS CUM DEFERIMUS IN TABERNACULA RECIPIAMUR AETERNA
l.2 Quocirca ego TETBALDUS, Francorum palatii comes perque urbes plures atque castella ejusmodi potestatis sub Dei ordinatione minister, unacum matre mea Hermengarde comitissa,
l.3 amicos nobis de possessionibus humano quidem more legitimis sed juxta sententiam veritatis de iniquo mammona ac per ipsos tabernacula decrevimus favente Deo comparare perpetua.
l.4 Pateat igitur universorum notioni mortalium, donasse nos sancto MARTINO cujus excellentia nominis nulla eget adjectione cognominis atque in suo Majori
l.5 Monasterio Deo sibique sub abbate Alberto famulantibus monachis, pro animarum scilicet redemptione remedioque nostrarum atque mei patris excellentissimi quondam comitis
l.6 Odonis quicquid idem nobilissimus comes die qua hominem exivit sub sui retinebat proprietate dominii in possessione nuncupata Ventilaco, Remensi sita territorio, ad
l.7 jus pertinente matris ecclesiae ejusdem civitatis, favente videlicet eidem nostrae donationi eamque auctorizante archiepiscopo tunc Widone, cum universis
l.8 ipsius ecclesiae canonicis. Sed et dominus noster Francorum rex Henricus proprio illam auctoramento firmavit, ac sigilli sui jussit impressione muniri.
l.9 Quam nos quoque manu propria firmavimus, atque confirmandam testificationibus suis stipulatoribus tradidimus subter ascriptis [notes_tironiennes]. [colonne1] Signum Tetbaldi comitis [croix]. Signum Stephani comitis. Signum Ermengardis comitissȩ. Signum Hilduini comitis. Signum Widonis archiepiscopi Remorum. Signum Beraldi episcopi. Signum Isembardi episcopi. [colonne2] Signum Nargaudi abbatis. Signum Gunteranni decani. Signum Odonis archidiaconi. Signum Anscoldi canonici. Signum Widonis canonici. Signum Alberici canonici. Signum Durandi capellani. Signum Hugonis. Signum Ebrardi filii Ebrardi. [colonne3] Signum Sesgualonis. Signum Teudonis de Firmitate. Signum Bernardi pincernȩ. Signum Rotberti de Firmitate. Signum Raherii. Signum Nivelonis pincernȩ. Signum Odonis senescaldi.
l.10 SIGNUM [monogramme] HENRICI GLORIOSISSIMI REGIS [croix]. [chrisme] [Amen, amen] EUSTACHIUS NOTARIUS AD VICEM BALDUINI RECOGNOVIT ET [ruche_notes_tironiennes].