Urbain II, pape, confirme les biens du monastère de Saint-Martin-des-Champs.

l.1 URBANUS, EPISCOPUS, SERVUS SERVORUM DEI, VENERABILI FRATRI HUGONI, CLUNIACENSI ABBATI, SALUTEM ET APOSTOLICAM BENEDICTIONEM.
l.2 Piȩ postulatio voluntatis effectu debet prosequente compleri, quatinus et devotionis sinceritas laudabiliter enitescat, et utilitas postulata vires indubi-
l.3-tanter assumat. Tuȩ igitur voluntati et communis filii URSIONIS prioris postulationibus annuentes, beati MARTINI monasterium quod de Campis dicitur, in
l.4 Parisiensi parochia situm, presentis decreti auctoritate munimus, ut quemadmodum cetera Cluniacensis cȩnobii menbra semper sub apostolicȩ sedis tutela permaneat,
l.5 et cuncta quȩ ad locum ipsum inpresentiarum pertinere videntur, ecclesia videlicet de Agenvilla, de Novavilla, de Mareio, de Monte martyrum, de Loveriis,
l.6 de Castenio, de Nota Sancti Remigii, de Nota Sancti Martini, de Renzegio, de Balbineio, de Caleio, de Confluentia, de Capeio, de Fontanis, de Flammaregiavilla, de
l.7 Vallevillaris, de Monciaco, villa quȩ dicitur Bonzeia, Nuceium magnum, Nuceium minus, Anetum, Majoriolas, Sancta Gemma, Rodanivilla,
l.8 Ursionisvilla, Clamardum, Sorvillare, Pentinum, Ceurennum, Sanctus Hylarius, cum ȩcclesiis et pertinentiis earum, ecclesiam etiam de Cona, de Bonella,
l.9 de Pringeio. Quicquid preterea idem locus hodie juste possidet vel collatione bonȩ memoriȩ Heinrici Francorum regis qui ejusdem loci fundator extitit,
l.10 vel filii ejus Philippi, cujus donatione cella eadem ad vestrum cenobium noscitur pertinere, quicquid a quibuslibet fidelibus de suo jure eidem loco col-
l.11-latum est vel in futurum conferri contigerit, firma semper et illibata permaneant, tam a te quam ab his qui per te vel successores tuos eidem loco prepositi fuerint,
l.12 perpetuo possidenda, regenda ac disponenda. Decernimus ergo ut nulli omnino hominum liceat idem cenobium temere perturbare, aut ejus possessiones aufer-
l.13-re, vel ablatas retinere, minuere vel temerariis vexationibus fatigare, sed omnia integra conserventur eorum pro quorum sustentatione ac gubernatione concessa sunt
l.14 usibus omnimodis profutura. Si qua igitur in crastinum ȩcclesiastica secularisve persona hujus decreti paginam sciens contra eam temere venire temptaverit, secundo
l.15 terciove commonita, si non satisfactione congrua emendaverit, potestatis honorisque sui dignitate careat, reamque divino judicio se existere de perpetrata
l.16 iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine districtȩ ultioni subjaceat.
l.17 Cunctis autem eidem loco justa servantibus sit pax domini nostri Jhesu Christi quatinus et hic fructum bonȩ actionis percipiant et apud districtum
l.18 judicem premia eterne pacis inveniant. AMEN. AMEN. AMEN.

JAFFE-LOEWENFELD, n° 5652.

FELIBIEN (Dom Michel), Histoire de la ville de Paris, Paris, 1725, t. 3, p. 52.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 5, n° 3711.