Paris, AN, L 463 n° 3
Numéro2883
Fiabilité de l'actenon suspecté
Genrecharte
Date06/04/1109(fiabilité :édition)
Lieu[Paris](lat :publice in capitulo Sancte Marie)
DiocèseParis
RégionIle-de-France
Supportparchemin
Chirographieen haut
Sceau non scellé
Etat de la traditioncopie
Hauteur à gauche310 mm
Hauteur à droite298 mm
Largeur en haut275 mm
Largeur en bas268 mm
AuteurGalon, évêque de PARIS
BénéficiaireAbbaye de SAINT-MARTIN-DES-CHAMPS de PARIS
Regeste
Texte
l.2 Quoniam juxta Apostolum qui manet in caritate in Deo manet, et Deus in eo, necessarium est confratrum
l.3 nostrorum necessitatibus nos condescendere, et aurem misericordie necessaria petentibus misericorditer apperire
l.4 ut per caritatem omnium virtutum matrem templum Dei, vas electionis efficiamur, et in die districti exa-
l.5-minis si misericordes hic fuerimus Deum nobis misericordem ac propitium invenire mereamur. Scriptum est
l.6 enim: Beati misericordes, quoniam misericordiam consequentur. Ego igitur GUALO, Dei gratia Parisiorum episcopus, misericordia
l.7 quidem motus, caritatis que non agit perperam igne accensus, quandam terram que vocatur Alnetum eclesie Sancti Martini
l.8 de Campis concordi quidem canonicorum nostrorum assensu jure perpetuo habendam concessi salvis quidem consuetudinibus quas
l.9 Parisiensis episcopus in terram illam, tempore Galeranni de Villaperor qui predictam terram possidebat. Huic autem dono Robertus comes
l.10 de Mellanto qui terram illam a nobis in feodum habebat, Guido etiam de Puteaco et Galerannus frater ejus, Hugo quoque filius
l.11 Evrardi de Puteaco ad quem pertinebat hereditas illius feodi, isti inquam omnes legitimum assensum prebuerunt, ita scilicet
l.12 ut eclesia Sancti Martini terram illam possideret sicut predictus Galerannus possidebat eo die quo donum istud factum est. Facta
l.13 est autem hec concessio et hoc donum hac conditione ut salvo in omnibus jure et consuetudine Parisiensis episcopi neque hospites
l.14 nostri neque res eorum contra voluntatem nostram vel successorum nostrorum in predictam terram recipiantur. Diffinitum [est] etiam et omnino
l.15 concessum, ut quandocumque aut ego aut quilibet successor noster Parisiensis episcopus centum libras Parisiensis monete ad medietatem
l.16 facte eclesie Sancti Martini impenderet, eadem eclesia vel nobis vel successoribus nostris medietatem predicte terre et omnium
l.17 ad illam pertinentium ex integro habendam concederet, ea videlicet conditione ut denominata peccunia de rebus quidem
l.18 episcopi vel propriis vel sibi accomodatis traderetur, et nulla alia persona quasi sub nomine episcopi ad possidendam terram illam
l.19 admitteretur. Determinatum est etiam ut postquam medietas illa in dominium episcopi deveniret, neque episcopus absque priore
l.20 Sancti Martini neque ille absque assensu episcopi vel talliam vel aliquem alium questum a predicta terra exigeret. Ut autem
l.21 hec concessio et conditio perpetue stabilitatis muniantur privilegio presentem cartam fieri decrevimus, et in testimonium
l.22 veritatis figuris nominum nostrorum illam signavimus. [croix] Signum Galonis episcopi. S. Berneri decani. S. Ade
l.23 precentoris. S. Guillelmi archidiaconi. S. Stephani archidiaconi. S. Rainaldi archidiaconi. S. Durandi presbiteri.
l.24 S. Alexandri presbiteri. S. Landonis presbiteri. S. Fulconis levite. S. Hilduini levite. S. Guineranni levite. S. Fulberti
l.25 subdiaconi. S. Guidonis subdiaconi. S. Roberti subdiaconi. Actum publice in capitulo sancte Marie anno ab incarnatione
l.26 Domini MCVIIIvo, indicione XVma, epacta XVIIma, concurrente IIIo, regnante rege LUGDOVICO anno Io, anno
l.27 episcopatus Galonis IIIIto. Girbertus cancellarius subscripsit CIROGRAPHUM.
Responsable
M. Courtois
Comment citer cette notice
Acte n°2883 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2883»[En ligne] http://www.cn-telma.fr/originaux/charte2883/. Date de mise à jour : 29/03/12.