Urbain II donne sa protection au monastère de Tournus, confirme le privilège de son prédecesseur Jean et règle un litige avec les moines de Saint-Florent au sujet de l'église Sainte-Croix de Lausdunum.

l.1 URBANUS, EPISCOPUS, SERVUS SERVORUM DEI, DILECTIO FILIO PETRO, TRENORCIENSI ABBATI, EJUSQUE SUCCESSORIBUS REGULARITER SUBSTITUEN-
l.2-dis in perpetuum. Piȩ postulatio voluntatis effectu debet prosequente compleri, quatenus et devotionis sinceritas laudabiliter enitescat, et utilitas postulata vires indubitanter assumat. Quia igitur dilectio tua ad sedis apostolicȩ
l.3 portum confugiens, ejus tuicionem devotione debita requisivit, nos supplicationi tuȩ clementer annuimus, et Trenorciense cȩnobium cui Deo actore presides, cum omnibus ad ipsum pertinentibus sub tutelam apostolicȩ
l.4 sedis excipimus. Per presentis igitur privilegii paginam apostolica actoritate statuimus, ut quecumque bona, quecumque possessiones catholicorum imperatorum, seu ceterorum principum largitione, episcoporum concessione,
l.5 seu ceterorum fidelium oblatione, ad idem cȩnobium inpresentiarium pertinent, sive in futurum juste poterit adipisci, firma tibi tuisque successoribus et illibata permaneant. Decernimus ergo ut nulli
l.6 omnino hominum liceat idem cȩnobium temere perturbare, aut ejus possessiones auferre, vel oblationes retinere, minuere, vel temerariis vexationibus inquietare, sed omnia integra
l.7 conserventur, eorum pro quorum sustentatione concessa sunt usibus omnimodis profutura. Cetera etiam quȩ per reverende memoriȩ Johannis pape privilegium Trenorciensi monasterio con-
l.8-firmata sunt confirmamus. Querelam autem monachorum Sancti Florentii quam de ecclesiis Lausduni Sanctȩ Crucis videlicet et Sancti Nicholai contra te et ȩcclesiam tuam faciunt, quamque
l.9 in presentia nostra Turonis habitam diligenter pertractavimus, debito fine Deo actore terminamus, apostolica iterum auctoritate precipientes, quatinus deinceps nullam tibi vel ȩcclesiȩ tuȩ molestiam
l.10 ex his inferre presumant, sed absque eorum calumpnia et inquietudine prefatas ȩcclesias jure perpetuo possideatis. Si qua sane ecclesiastica secularisve persona contra hanc nostrȩ constitutionis
l.11 paginam venire temptaverit, potestate honorisque sui dignitate careat, et a sacratissimo corpore ac sanguine domini nostri Jhesu Christi aliena fiat, quousque digna satisfactione resipiscat.
l.12 Cunctis autem eidem loco justa servantibus sit pax domini nostri Jhesu Christi. Amen. Scriptum per manu Johannis notarii regionarii et scriniarii sacri palatii. Data Turonis per manum Johannis sanctȩ Romanȩ
l.13 ȩcclesiȩ diaconi cardinalis XIII kalendas aprilis, indictione III, incarnationis dominice anno millesimo XCV.
l.14 [rota] Ego Urbanus catholicȩ ȩcclesiȩ episcopus [subscripsi] [benevalete].