Arnoul, duc de Bourgogne, donne à l'abbaye Saint-Arnoul de Metz un manse à Flirey et des biens situés à Leywiller, Beraldivilla, Marieulles et dans d'autres lieux.

l.1 SAGACI ANTIQUORUM SOLLERTIA UTILITER SATIS OLIM PROVISUM EST POSTERORUM MEMORIȨ LITTERIS MANDARE, SI QUIS SIBI ET ANIMȨ
l.2 suae consulens aliquid ȩcclesiȩ Dei de rebus propriis vel ante mortem vel in ipsa morte contulerit. Quapropter noverit futura aetas quia ego ARNULFUS gratia Dei post genitorem meum Drogonem, dono avi mei
l.3 gloriosi principis Pippini, Burgundionum dux, hujus vitȩ instabilitatem perpendens, et quia gloria mundi velut foenum arescit, et cogitans de remedio animȩ meȩ ut post mortem vitam inveniam, petii a venerabili viro
l.4 Liutberto, abbate monasterii juxta civitatem Mettensem, siti quod dicitur Ad Sanctos Apostolos, ubi attavus meus gloriosus Christi confessor sanctus ARNULFUS, a quo et nomen et originem duco in corpore requiescit, ut mihi quoque in eodem
l.5 coenobio locus sepulturȩ donaretur juxta genitorem meum predictum Drogonem et germanum meum Hugonem sacerdotem, quoniam ibi omnis poene parentela mea amore pii predecessoris nostri et parentis sancti Arnulfi
l.6 ducta sepulturam delegit. Quod mihi idem venerabilis abbas Liutbertus benigne concessit. Ideoque et ego pro hujusmodi benivolentia et ut anima mea hereditatem in cȩlis cum pio patre nostro sepe nominando sancto
l.7 Arnulfo habere mereatur, dono donatumque in perpetuum volo ad ipsum locum predium meum Floriacum dictum, situm in pago [Wabrinse et] in comitatu [Scarponensi], mansum videlicet indominicatum cum ȩdificiis supra-
l.8-positis, et mancipiis utriusque sexus ad ipsum predium pertinentibus, et quicquid in ipso alodo vel ipse vel antecessores mei visi sumus habuisse, tam in campis cultis et incultis, quam in silvis, pratis, vineis, pascuis, aquis
l.9 aquarumque decursibus, viis et inviis, exitibus et reditibus, farinariis, quadrupedibus, mobilibus et immobilibus, vel quicquid ullo modo dici aut nominari potest. Dono etiam in Liedesvilla, mansum
l.10 indominicatum cum ȩdificio desuper sito, juxtaque hunc mansum alium mansionarium, cum terris aratoriis ad dies plus minus XXII, et quartariis II, pratoque ad falces III, item in Beraldi Villa, cuminas indomini-
l.11-catas III, quȩ ita jacent: una in ipsa Beraldi Villa, alia in loco qui dicitur Marconis pratum, tercia in loco dicto Amolberti campus, cum quartariis VII, et silva minuta ad dies XX, in loco qui dicitur Boverez silva,
l.12 pratum quoque in ipsa villa ad falces III, et alio loco dicto Intriheris, et Marchei pratum ad falces LX. Dono insuper in villa Mariolas quicquid post fratrem meum bonȩ memoriȩ Godefridum hereditate mihi
l.13 obvenit, id est terram aratoriam indominicatam plus quam jugera CC pratum etiam ad falces XXX et silvam minutam [ad dies XC]. Hȩc et omnia ad hȩc pertinentia ad ipsum locum dono, trado, et de meo jure in
l.14 potestatem servorum Dei inibi commanentium totum ad integrum ea lege qua ego hȩc hactenus possedi, id est cum omni integritate et absque ullius alterius dominii participatione transfundo, ut ipsi servi Dei ea
l.15 firmiter a die presenti et deinceps teneant, possideant, et liberam facultatem habeant faciendi de eis quicquid ad utilitatem sui et ipsius basilicȩ proficere viderint. Quod si quis, quod absit, et quod futurum non
l.16 credo, de posteris nostris aut quȩcumque alia persona vel potestas contra hanc donationem nostram aliquid violentiȩ facere voluerit, et predium ipsum vel ad ipsum aliquid pertinens auferre ab eodem sancto loco temp-
l.17-taverit, vel aliquid injuste dominationis sibi in his quȩ solide damus usurpare conatus fuerit, noverit se in die judicii de his coram justo judice rationem redditurum, et partem maledictionis
l.18 aeternȩ cum Dathan et Abiran et Juda proditore habiturum. Nos tamen ut hȩc nostra donatio firma in perpetuum maneat, testamentum hoc litteris firmatum manu propria roboramus.
l.19 Actum publice in villa Oppila, sub die V kalendas julii, anno ab incarnatione Domini DCCVI, indictione IIII, regnante Childeberto rege, anno regni ipsius X.
l.20 Ego Arnulfus hanc donationem litteris traditam, manu propria signavi et firmavi. [colonne1] Signum Milonis comitis. Signum Widonis comitis. Signum Eremberti comitis. Signum Lamberti comitis. Signum Warnarii comitis. [colonne2] Signum Emizonis scabinii. Signum Rozelonis. Signum Tietvini. Signum Fulcradi. Signum Amelii. Signum Ursonis. Signum Remigii.
l.21 EGO ADELARDUS AD VICEM BERNARDI PRIMISCRINII ROGATUS SUBSCRIPSI.

PERTZ (George Heinrich), Diplomata regum Francorum e stirpe Merowingica. Diplomata majorum domus e stirpe Arnulforum. Diplomata spuria, Hanovre, 1872 (MGH. Diplomatum Imperii, t. 1), p. 213-214, n° 6.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 123, n°5.