Pierre, évêque de Beauvais, notifie la sentence par laquelle les évêques et le clergé de la province de Reims rejettent la plainte introduite par l'abbaye Saint-Lucien de Beauvais à propos de la possession d'une terre.

l.1 Pastoralis offitii est unicuique quȩ sua sunt restituere, quieti sibi commissorum pie invigilare, et ne inimicus innocentiȩ dominici gregis sim-
l.2-plicitatem veneno discordiȩ inficiat, caute providere. Quapropter ego PETRUS, Dei gratia Belvacensium humilis episcopus, paci ȩcclesiarum mihi commissarum studens,
l.3 quandam controversiam quȩ erat inter ȩcclesiam Beati LUCIANI et inter ȩcclesiam Sancti QUINTINI, in presentia mea discussam, personarumque sullimium judicio termi-
l.4-natam ut tam posteris quam presentibus innotesceret litteris annotare curavi, eamque perpetuo sopiendam ne in posterum reexcitaretur, nominis nostri caractere et
l.5 sigilli nostri impressione corroborari mandavi. Cujus controversiȩ discussionis vel terminationis exemplum, infra scriptum est. Causa igitur quȩ inter Giroldum
l.6 abbatem Sancti Luciani et Radulfum abbatem Sancti QUINTINI erat de prato Berardi, et terra quȩ euntibus a sancto QUINTINO ad sanctum Lucianum in sinistra
l.7 parte habetur a pomerio canonicorum usque ad aquam et alia terra quȩ ex altera parte est inter veterem cursum aquȩ et novum, tali modo in presentia mea
l.8 terminata est. Hȩc Giroldus abbas dixit se habere in privilegiis ȩcclesiȩ suȩ, vivere etiam adhuc monachos et clericos ac laicos qui ȩcclesiam Sancti Luciani
l.9 viderunt ista tenentem. Ad hȩc respondit abbas Sancti Quintini terras illas ȩcclesiam Sancti Quintini quiete per annos µXXXta et eo amplius tenuisse, nec
l.10 se vel antecessores suos abbates quod rectum esset vetuisse. Tunc abbas Sancti Luciani tricennalem possessionem volens interrumpere, objecit hujusmodi calum-
l.11-pniam. Dixit enim quod predictarum terrarum causa ad discutiendum constituta est in curia Sancti Luciani infra XXXta annos, inter Petrum abbatem Sancti Luciani
l.12 et domnum Ivonem cum jam esset Carnotensis episcopus, et teneret ȩcclesiam Sancti QUINTINI. Ubi statuta die sicut ait Giroldus abbas cum factus esset clamor
l.13 Petri abbatis et responsio domni Ivonis episcopi, Petrus abbas precepit judicium fieri. Quod domnus Ivo nolens audire recessit. Hoc se posse probare
l.14 sicut judicatum fuisset Giroldus abbas asseruit, hoc videlicet modo tricennalem possessionem volens interrumpere. Hȩc omnia se penitus ignorare res-
l.15-pondit abbas Sancti Quintini, et judicium expetivit. Tunc judices euntes in partem, dubitantes de judicio reversi sunt, et petentes inducias
l.16 acceperunt. Transactis autem non paucis diebus, ego Petrus, Belvacensis episcopus, submonui abbatem Sancti Quintini presente et annuente abbate Sancti Luciani,
l.17 ut uterque pridie nonas octobris ad inquirendum et audiendum judicium Remis adesset in conventu episcoporum ad eandem metropolim pertinentium. Ubi
l.18 cum se presentaret uterque abbas, recitata narratione eorum, judicaverunt episcopi et abbates et clerici presente et annuente domno Rodulfo archiepiscopo, quod obje-
l.19-ctio abbatis Sancti Luciani de causa quam fuisse dicebat inter Petrum abbatem et domnum Ivonem episcopum non erat justa calumpnia, nec tricennalis possessionis
l.20 interruptio, quia clamor inde factus non esset ad Belvacensem episcopum. Sicque definitum est non contradicente abbate Sancti Luciani, ut de cetero quiete posside-
l.21-at ȩcclesia Sancti Quintini terras illas. Nomina episcoporum qui interfuerunt : Lisiardus Suessionensis episcopus, Guillelmus Catalaunensis episcopus, Ingelrannus Ambianensis
l.22 episcopus, Clarembaldus Silvanectensis episcopus, Rogerius decanus Ambianensis, Symon prepositus Ambianensis, Guarinus thesaurarius Ambianensis, Rogerius
l.23 archidiaconus Belvacensis, Rogerius canonicus Belvacensis, Lescelinus canonicus Sancti Nycholai Belvacensis, Hugo de Torsuris, Drogo archidiaconus
l.24 Atrabatensis, Balduinus abbas Sancti Vincentii Silvanectensis, Guillelmus abbas Sanctȩ Mariȩ Britoilensis, Clarus de Sancto Justo, et multi alii abbates
l.25 et clerici.
l.26 Actum anno ab incarnatione Domini MCXVIII, indictione XIa.
l.27 [sceau].

1