Geoffroi, évêque de Beauvais, confirme l'accord en vertu duquel Landulfus, frère de Nanterus, a vendu à l'abbaye une maison qu'il reprend en location, avec une autre maison qu'il peut construire sur une terre destinée à cet effet par l'abbaye.

l.1 IN NOMINE SANCTȨ ET INDIVIDUȨ TRINITATIS.
l.2 Cum in omnibus bene a nobis gerendis principium et finem debeamus ponere in eo qui est principium sine principio et finis
l.3 sine fine, in ipsius nomine ego Gaufredus, Dei gratia Belvacensis episcopus, notam volo esse presentibus, notam fore et posteris
l.4 sanctȩ Dei ȩcclesiȩ cultoribus conventionem quȩ inter Radulfum abbatem Sancti QUINTINI et Landulfum fratrem Nante-
l.5-ri facta est. Ipse Landulfus vendidit prȩfato abbati domum lapideam quam juxta atrium Sancti VEDASTI ha-
l.6-bebat cum terra quȩ ab ipsa domo usque ad viam quȩ est ex altera parte pertingit. Concessit autem predictus
l.7 abbas eidem Landulfo quatinus aliam domum faceret in terra vacua et in utraque domo habitaret, eo pacto ut singulis
l.8 annis pro mercede habitationis persolvat sancto QUINTINO triginta solidos, quindecim in festivitate sancti Remigii,
l.9 et quindecim in medio martio. Quos per legem restituet, si ad ȩcclesiam Sancti QUINTINI statutis deferre
l.10 neglexerit terminis, alioquin predictarum domorum habitatione et jure privabitur. Censum autem qui pro tota
l.11 illa terra debetur dabit abbas per ministros suos, recompensationem ejusdem census a Landulfo accipiens. Alias vero
l.12 consuetudines dabit Landulfus illis ad quos pertinent, et utramque domum quandocunque opus fuerit cooperiet, et si quid
l.13 in eis vetustate vel quolibet casu corruptum vel destructum fuerit et si incendio perierint, de suo restituet,
l.14 nichil de triginta solidis sancti QUINTINI minuens. Si ergo Landulfus aliquam de omnibus istis
l.15 conventionibus tenere neglexerit et ex parte abbatis submonitus emendare noluerit, totius possessionis illius habitatione et
l.16 jure privabitur. Sane si heres ejus in eodem loco post ipsum habitare voluerit, veniet ad ȩcclesiam Sancti QUINTINI
l.17 infra tres dies post mortem Landulfi, conventiones istas auditurus. Qui si eas observaturum se esse promiserit,
l.18 statim dabit ȩcclesiȩ tres solidos, et de cetero per licentiam abbatis inibi habitabit, eodem pacto quo et Landulfo con-
l.19-cessum est. Quod si facere contempserit, nil juris habebit in illa possessione nec de ȩdificiis tollet quippiam. Si igitur
l.20 Landulfus aut aliquis heres ejus vel de cognatione ipsius, seu quilibet alius predictam possessionem contra voluntatem
l.21 abbatis et capituli Sancti QUINTINI tenere voluerit, conventiones suprascriptas observare negligens,
l.22 divinȩ gratiȩ et ȩcclesiasticȩ communionis ablatione plectatur, nisi admissi culpam facinoris debita satisfactione correxerit.
l.23 Actum Belvaci in domo episcopali, VIII kalendas aprilis, anno incarnati Verbi MoCoXIIIo, indictione VIa, tempore Ludo-
l.24-vici regis anno quinto regni ejus. Nomina autem eorum subtitulata sunt, quorum consilio et collaudamento augmentum
l.25 ȩcclesiȩ Beati QUINTINI per hujusmodi litterras sigilli nostri impressione signatas confirmandum suscepimus :
l.26 Petrus decanus, Rogerus archidiaconus, Walo cantor, Warnerus capellanus, Walterus cancellarius, Goscelinus Halegrotus, Ursio
l.27 filius Rainardi. Laici : Odo castellanus, Adam filius Goislani, Warinus prepositus, Rogerus filius Huberti, Walterus major
l.28 Sancti QUINTINI, Berengarius nepos abbatis, Bernardus de Hospitio, David, et Robertus frater ejus, Andreas. Multi
l.29 etiam alii tam clerici quam laici interfuerunt quando hȩc omnia in nostra sunt RECITATA
l.30 PRESENTIA.
l.31 [sceau].

1