Donation à l'abbaye de Fécamp par Garnier de Senlis, chevalier, d'une église et de redevances dans la villa de Nogent-les-Vierges.

l.1 [croix] EGO WARNERIUS, Silvanectensis miles, cunctipotentis Dei cognoscens
l.2 gratiam et misericordiam quibus me ad suam imaginem et similitudinem ineffabilem formavit, et
l.3 unigeniti sui filii effuso cruore misericorditer redemit, judicavi de rebus meis bono et ȩterno
l.4 servire Deo in loco qui appellatur Fiscannus, rationabili usus consilio ut qui factori et
l.5 redemptori [et cunctipotenti] Deo in persona mea ut debebam servire non poteram, saltem
l.6 servientibus suis [..cta] meȩ facultatis mensuram aliquo modo deservirem. Cujus providentiȩ
l.7 fructus et remunerationem non michi soli attribuo, verum patri et matri ceterisȩque
l.8 antecessoribus meis, fratribus et sororibus cunctisque meis successoribus concedo et communico. Ego
l.9 enim in hac re non meam solam sed omnium parentum meorum antecessorum et successorum quȩro et
l.10 provideo salutem et salutis utilitatem. Dono igitur summȩ et individuȩ TRINITATI hoc est
l.11 omnipotenti Deo in loco qui appellatur Fiscannus ecclesiam unam cum oblationibus omnibus quȩ
l.12 offeruntur ibi, et ejusdem ȩcclesiȩ dimidium atrium et dimidiam sepulturam, et dimidium
l.13 molendinum apud villam quȩ appellatur NOGENT.
l.14 Addidi quoque ad opus et usum monachorum ibidem Deo servientium per annos sin-
l.15-gulos duos modios frumenti, et sex vini modios, et septem solidos denariorum in
l.16 clauso de Bosone; insuper et totam decimam de toto dominio monachorum, ipsis mo-
l.17-nachis concessi et quietam clamavi et de toto eorum labore. Dedi etiam eis ple-
l.18-nam justitiam in dimidia parte atrii et in tota terra quȩ ad clausum de Boso-
l.19-ne pertinet, sanguinem videlicet bannum et latronem que omnia mei juris erant.
l.20 Si quis autem hanc libertatem et donationem eis surripere voluerit, iram omnipotentis Dei
l.21 incurrat, et excommunicationi perpetuȩ subjaceat. Amen. Amen. Fiat. Fiat. Ex utraque
l.22 parte testes fuerunt: Fulbertus Mananz et Fulco frater ejus, Rainardus de Sumvilari, Gilbertus
l.23 Walterius, et multi alii.
l.24 Signum domni [croix] Warnerii. Signum [croix] Josberti. Signum [croix] Huberti.