Geoffroi, évêque de Beauvais, donne au chapitre cathédral de Beauvais six boulangers, qui moudront au moulin désigné par le chapitre.

l.1 Gaufridus, Dei gratia Belvacensis episcopus. Omnibus sanctȩ matris ȩcclesiȩ filiis tam futuris quam prȩsentibus, presentis vitȩ prosperum cursum
l.2 et futurȩ sempiternum gaudium. In Sancta Belvacensi ȩcclesia antiquitus mos inolevit, quod antecessores nostri episcopi
l.3 de rebus quas de eadem tenebant ȩcclesia, ad mensam et dominium canonicorum partes aliquas contulerunt,
l.4 utiliter quidem ȩcclesiȩ providentes, cum bona quȩ de ȩcclesia erant, sustentationi Deo servientium ipsi ȩcclesiȩ firmarentur,
l.5 [nec] tamen a subjectione futurorum episcoporum privarentur, cum utique ad ipsos episcopos precipue pertineat dispositio et donatio
l.6 prebendarum. Quapropter nos quoque usus et auctoritatem antecessorum nostrorum sequentes, ad amplificandum et expeditius Deo
l.7 reddendum servitium, ȩcclesiȩ Beati Petri et canonicis sex bolengarios de burgo Belvacensi damus, et in posterum habendos con-
l.8-cedimus, ita scilicet ut sicut in nostris molendinis ipsi bolengarii molere solebant, sic in molendinis canonicorum ubi ipsis cano-
l.9-nicis placuerit annonas suas molant. Quod si quis de sex bolengariis vel morte vel paupertate vel quolibet alio casu
l.10 nostris vel successorum nostrorum temporibus a molendo cessaverit, ministri canonicorum ad prepositum episcopi venient, et ei nominabunt
l.11 tres de bolengariis episcopi, et unum de tribus nominatis recipient ab ipso preposito, ad ipsum restituendum qui a molendo cessave-
l.12-rit. Ut ergo hoc donum quod fecimus firmum et inconvulsum permaneat, auctoritate Dei omnipotentis et potestate nobis
l.13 [...] Deo concessa, excommunicavimus omnes illos qui deinceps ȩcclesiȩ et canonicis Beati PETRI aliquo modo inde nocere, et donum quod
l.14 fecimus infirmare vel destruere temptaverint. Excommunicavimus etiam omnes illos qui deinceps aliquo modo nocerent vel
l.15 inpedimentum quererent ȩcclesiȩ Beati PETRI et canonicis ejus de molendinis quȩ canonici Beati PETRI diraciocinaverant,
l.16 erga Goscelinum et ad eum pertinentes, et ȩcclesiȩ readquisiverant. Ad posterorum etiam memoriam [hoc preceptum inde fieri]
l.17 jussimus, et factum sigillo nostro corroboravimus.
l.18 Actum Belvaci in ȩcclesia Beati PETRI, IIIo kalendas julii videlicet die festo ejusdem apostoli, anno incarnati Verbi millesimo
l.19 centesimo VIIIvo indictione prima.
l.20 Hi prȩsentes fuerunt Petrus decanus, Guarnerus archidiaconus, Drogo cantor, Guarnerus succentor, et cȩteri canonici
l.21 Goscelinus, Rotbertus Balduini, Hugo sacerdos, Gualterus sacerdos, Gualterus Gonscelini, Gualterus de Miliaco, Gualterus de
l.22 Platea, Gualerannus de Miliaco, Rainerus de Monci, Hugo de Hupseio, Baldris, Ursio Guasberti, Walo, Ursio Rainar-
l.23-di, Rotbertus de Corbeia, Hugo et Guarnerus de Sancto Pantaleone, Arnulfus frater thelonearii; Ogerus, Hugo Harduini,
l.24 Rogerus Lanscionis, Drogo de Monci, Gualerannus Fulchredi, Restedus, Fulco, Odo Berneri, Lanscio Hermanni,
l.25 Rogerus ERCHEMGERI, MATHIAS, ANSCULFUS, GUALTERUS WALIFREDI, PETRUS, PETRUS BERNERI.
l.26 Laici: Lanscelinus casatus, Rotbertus de Calvomonte, Adans filius Goisleni, Odo castellanus, Gualterus frater ejus,
l.27 Walbertus venator, Guarinus prepositus, Richerus frater ejus.
l.28 [sceau].

1