Foulques, chevalier du Breuil, donne au prieuré Saint-Leu-d'Esserent un jardin appelé Rufaldus et un arpent de terre.

l.1 Omnibus sanctȩ matris aecclesiȩ filiis sit notum, presentibus atque futuris, quod Fulco miles qui dicitur de Brolio, pro anima sua, et suȩ conjugis, suorumque natorum et antecessorum
l.2 tradidit Deo, et sanctis ejus Petro et Paulo et beato Lupo, et monachis Sancti Petri Cluniacensis, annuentibus filiis, et filia, hortum, qui vocatur Rufaldus. Huic etiam
l.3 benefitio junxit terrȩ arpennum, qui ejusdem horti cingitur ambitu, pro quo domnus Ademarus qui eo tempore ipsius loci prior erat, consilio fratrum
l.4 dedit ei equum, qui quadraginta solidos valebat nummorum, faventibus filiis et filia et hȩc signa facientibus. [croix] Nota patris. [croix] Nota Agnetis. [croix] Nota Bernardi. [croix] Nota Hugonis. [croix] Nota Oddonis.
l.5 Et ut hoc permaneret firmum, et per tempora inconvulsum, his litteris, et eisdem signis, coram legalibus viris
l.6 firmare, et cum filiis et filia manibus propriis super altare placuit ponere. Hujus rei testes sunt qui viderunt et audierunt: Walo miles,
l.7 Fulco major, Godefridus forestarius, Galterius, et Rotbertus fratres.

1