Rodolphe III, roi de Bourgogne, donne à l'abbaye de Cluny l'église Saint-Blaise au comté de Genève, avec toutes ses dépendances.

l.1 IN NOMINE SANCTAE ET INDIVIDUAE TRINITATIS, RUODOLFUS, DEI GRATIA REX.
l.2 Igitur cum totius ordo religionis, secundum decreta praecedentium regum, sanctae conversationis exordium sumeret, et ad perseverandum in ea sustentacula
l.3 alimoniae his qui districtius atque familiarius in Dei servitio se coercerent, publica regalis res ad sufficientiam aliis, et minus aliis subministraret, et ita per ordinem sanctae
l.4 Dei aecclesiae status, usque ad praesens per longa temporum curricula extensus sit, nihilominus dignum est, ut nos qui quasi per novissimos operarios in vinea
l.5 Dei laboramus, eosdem operarios in exercitio operis Dei deficere non sinamus, quin potius ut vires suppetunt nobis, usque ad unguem perducere temptemus. Quapropter sciant omnes
l.6 praesenti tempore decedentes et futuro succedentes qualiter ego Ruodolfus petente atque exortante dilectissima conjuge mea IRMINGADA dono ex hereditaria mea
l.7 possessione quoddam praediolum, ob animȩ meȩ et supramemorate conjugis meȩ remedium, cȩnobio Sancti Petri quod dicunt Cluniacum et abbati ejusdem
l.8 monasterii, et monachis ejus praecepto et sancti Benedicti regulȩ modo et deinceps oboedientibus, et ibidem Deo famulantibus, aecclesiam Sancti Blasii, et viculum
l.9 totum cum omnibus ibidem pertinentibus, cum montibus, et planiciis, agris, pratis, pascuis, silvis, decimatione, servis et ancillis, et cum omnibus utensilibus, dono ego et
l.10 praedicta conjunx mea ad suprascriptum monasterium ut si nos minus idoneȩ injunctum a Deo peregimus officium, delicti nostri et negligentiȩ non pro merito recipiamus dis-
l.11-spendium, sed per eorum orationes quos sustentamur subministrantes temporalia, ad stadium currentes remuneremur mercede perpetua. Haec ut a nobis facta
l.12 credantur et a posteris nostris non infrangantur, manu nostra roboravimus et sigillari jussimus.
l.13 SIGNUM RUODOLFI REGIS [monogramme] pii.
l.14 Albker indignus presbiter jussu regis scripsit hȩc. [sceau].
l.15 Acta sunt hȩc in villa Tabernis quam alio nomine propter fluvium ibidem defluentem Urba appellant.
l.16 Data XVIIII kalendas FEBRUARII anno ab incarnatione Domini millesimo XXVIIII, regnante Ruodolfo rege, anno regni sui XXXmoV.
l.17 Hoc itaque beneficiolum id est supramemorata aecclesia quam damus fratribus Cloniaco degentibus, jacet in pago et in comitatu Genevense, cum vicis ibidem appendentibus.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 15-16, n° 2812.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 9, pl. 24 (fac-similé).

SCHIEFFER (Theodor), Die Urkunden der burgundischen Rudolfinger, Munich, 1977 (MGH Diplomata), p. 290-292, n° 120.