Godefroid, évêque d'Amiens, concède à l'abbaye de Breteuil plusieurs autels, aîtres et dîmes.

l.1 Godefridus, Dei gratia Ambianensium episcopus, presentibus et futuris omnibus sanctȩ matris ecclesiȩ filiis ita antiquum hostem per fidei armaturam
l.2 debellare, ut in superne civitatis palatio felicis militiȩ fructum remunerante Christo mereantur percipere. Quoniam dilectissimi in sancta ecclesia
l.3 que est domus Dei vivi, columpna et firmamentum veritatis, superioris loci offitium licet tanto honori et oneri multum impares
l.4 nos episcopi suscepimus, debemus dignitatis nostre nomen ad idoneum opus convertere, bonumque nostrum communicabile omnibus quantum in nobis est
l.5 facere. Tunc enim pulchrius elucescet, si in multorum notitiam transferatur, ut et ipsi nostre operationis exemplo ad bene agendum informentur,
l.6 et tunc a nobis verius possideri incipiet, cum aliis participandum zelo fraternȩ caritatis exhibebitur. In hoc enim celestis gratie pecunia
l.7 a temporali substantia mirabiliter differt, quia illa distributa possessoris sui quantitatem vel omnino aufert vel non parum inminuit, ista
l.8 vero cum impenditur et accipientem replet, et indante tota et integra perseverat, inmo largientis opulentiam dum erogatur largius habundare
l.9 facit. Per hanc igitur excellentissimam et celestem, et per illam minimam et temporalem ecclesiis providentiȩ nostre a Deo substitutis cura propinquiore prodesse
l.10 obtimum judicamus, dehinc etiam si justa necessitas exigat, ad alienas ȩcclesias easdem condecet dilatare, ut offitium nostrum honoremus, quatinus
l.11 exactionis tempore tanto securiores inveniri mereamur, quanto per utriusque pecunie maximeque precellentis et celestis erogationem plurium indi-
l.12-gentiis adjutricem manum [po...cisse] ab eo quem nihil latere potest [poposcemur]. Hujus itaque considerationis ratione et veritate inductus
l.13 ego GODEFRIDUS episcopus, videlicet ut dupplici sanctarum ecclesiarum utilitati pro modulo meo pervigil efficiar, Sanctȩ Brituliensis ecclesiȩ in honore
l.14 universalis dominȩ nostrȩ genitricis Dei consecratȩ licet extra terminos nostros constitutȩ ad victum monachorum ibidem Deo et ejus
l.15 sacratissimȩ matri servientium intra fines dyoceseos nostrȩ hȩc et illa altaria indulgemus, tribuimus, ac perpetualiter possidenda con-
l.16-firmamus, altare videlicet sancti Albini et atrium et omnem decimam; tertiam partem minute decime de Hariszarda, altare et atrium de Morolio
l.17 cum omni decima curtillorum et minuta decima et duabus partibus annone totius decime; altare de Boolcurte et unum hospitem ad altare pertinentem;
l.18 terciam partem altaris Serpentis villaris; et duas partes minute decimȩ maceriarum; altare de Fleceiis et atrium cum duobus curtillis
l.19 et terra arabili ad illud pertinentibus, medietatem altaris et totius decime de Cormeliis; medietatem altaris de Rochencurte; altare de Bosuncurte
l.20 et atrium cum terra ad ea pertinente; altare de Hispangi cum atrio et omni decima et terra arabili ad illud pertinente; altare de Surdono et atrium cum omni
l.21 minuta decima et cum decima Vuasdi; altare de Bursicurte et atrium cum omni minuta decima et decima Vuaisdi; altare de Curcellis et atrium cum omni
l.22 decima minuta; altare et atrium de Rosait cum omni decima excepta quinta parte. Unum hospitem in atrio de Vileirs.
l.23 In archidiaconatu vero Pontivensi, ecclesiam Sancti Petri cum atrio de Helcine villa; ecclesiam Sancti Cristophori de Marolo cum atrio ejus;
l.24 ecclesiam Sancti Martini de Villare cum atrio ejus; ecclesiam Sancti Eligii de Ulmastro; duas partes decime de Limercurte; tertiam partem decime de
l.25 Harunna; sextam partem decime de Metignio; sextam partem decime de Braio; duas partes decime de carruca domini de Marolo, et duas partes decime
l.26 Mediatoris ejus domini in villa de Becuncurte; omnem decimam molendinorum predicti domini, et omnis annone que infertur in domo sua sive in horreo suo
l.27 undecumque veniat, de carrucis vel de aliis reditibus suis; altare et atrium Sancti Albini cum omni decima ad illud pertinente, et cum sexta parte decime case
l.28 ejusdem altaris.
l.29 Hec igitur omnia et alia que futuris temporibus per nos et successores nostros annuente clero hujus sancte sedis canonice adquisierint predicto
l.30 monasterio Sancte Marie Brituliensis fratres loci eis concedimus, tribuimus, et presenti privilegio firmamus, nihil pro his onerosum ab eis exigentes
l.31 sed solam eorum caritatem sine qua nemo Deum videbit, orationes quoque paciscentes, consuetudines quoque ceterarum ecclesiarum [....] que canonice
l.32 [...tur...?...aeccle..?] adsignantes, id est synodales census [...dolis] conventus sessionem quam explebit prior cujusque celle pro fratribus quibus
l.33 [..erit], aut cella esse desierit prioremque habere non poterit, prior monasterii Brituliensis hoc explebit. Circuitiones quoque more aliarum ecclesiarum
l.34 nostrarum ab eis persolventur. Noverint autem omnes quod cella Sancti Albini [...?...] ecclesie nostre persolvit nisi sex denarios et conventus sinodi sessionem.
l.35 Hoc autem ne quis dissolvere presumat sub anathemate prohibemus, et eum qui dissoluerit a perceptione sacratissimi corporis et sanguinis Christi hic et in eternum
l.36 separamus. Actum est hoc in capitulo Ambianensis ecclesie anno ab incarnatione Domini MCV, indictione XIIII, XI kalendas februarii, anno episcopatus nostri
l.37 secundo, regnante Philippo, consule Ambianensi Ingelranno, feliciter. Amen. Ut autem plenitudinem confirmationis huic privilegio tribueremus
l.38 tam nostra quam personarum adsistentium adsensumque suum huic actioni prebentium subscribtionibus hoc confirmavimus. Signum Godefridi [croix] episcopi. [colonne1] Signum Fulchonis, archidiaconi. Signum Ingelranni, archidiaconi. Signum Rogeri, decani. Signum Rogeri, cantoris. [colonne2] Signum Radulfi, abbatis. Signum Anscheri, sacerdotis. Signum Gisleberti, sacerdotis. Signum Clari, sacerdotis. Signum H[.....]. [colonne3] Signum Nantaudi, diaconi. Signum Willelmi, diaconi. Signum Giraldi, diaconi. Signum Tesselini, diaconi. [colonne4] Signum Milonis, subdiaconi. Signum Roberti, subdiaconi. Signum Giraldi, subdiaconi. Signum Warini, subdiaconi. [colonne5] Signum Achardi, acoliti. Signum Balduini, acoliti. Signum Hugonis, acoliti. Signum Walteri, acoliti.
l.39 [croix] Gunfridus cancellarius scribsit et subscribsit.

1