Pierre de Traversaria et Rosa, son épouse, adressent une requête à Jean, archevêque de Ravenne, pour obtenir en emphytéose divers biens situés dans la plebe Sancti Johannis in Feronis.

l.1 [croix] In nomine Patris et Filii et Spiritus Sancti. Anno Deo propitio pontificatus domni Johannis summi pontificis et universalis pape in apostolica sacratissima beati Petri sede sexto, die vigesimo sexto mensis aprelis, indictione quarta, Ravenne. Domino sancto et meritis beatissimo atque apostolico patri patrum domno Johanni sanctissimo sanctȩ catholicȩ Ravennatis ecclesie archiepiscopo,
l.2 nobilis vir Petrus filius Petri qui vocatur de Traversaria et Roza clarissima femina jugalis seu filiis et nepotibus nostris de comune amplexo et qualis ex nobis sine filiis aut nepotibus mori contigerit, integriter succedat ille qui supervixerit seu filiis suis. Facilis impetrandi via est quociens beneficia a sancta vestra Ravennate ecclesia quod juri ejus non noceat postulari
l.3 sed id semper apostolatui vestro ordinare confidimus et quoniam speramus uti quarta parte in integrum de curte que dicitur de Sancto Laurentio cum quarta parte de oratorio cui vocabulum est Laurencii, quantumcumque Rodaldus magister militum socer et genitor noster habuit et detinuit, cum quarta parte in integrum de fundis et casalibus seu apen-
l.4-ditibus suis quorum nomina hec sunt : fundus qui vocatur Miliano et loco qui dicitur Rata et Monta Alto et campo qui dicitur Sexta, cum portione de oliveto et fundus Gambriano, et Cavina, et loco qui dicitur Curio, et de fundo Forolivise, et de fundo Alioni, sitque de loco qui vocatur Pisterno, et valle Bonella, et Gaiboni, et quarta parte de fundis vel casalibus
l.5 vocabulis nuncupantur, a quarta parte ipsius curtis pertinentibus, verum eciam largistis et confirmastis nobis medietatem in integrum de alia quarta parte ipsius curtis, cum medietate de alia quarta parte jamdicto oratorio et suprascriptis fundis vel casalibus seu apendicibus suis, undecumque nobis ovenisset vel ovenire debet, per cocumque
l.6 modum vel titulum, que suprascripta res cum terris et vineis, campis, pratis, pascuis, silvis, salectis, sationalibus, arbustis, arboribus et cum omnibus eisdem pertinentibus constituta territorio plebe Sancti Johannis in Feronis juris sanctȩ vestrȩ Ravennatis ecclesiȩ, enfiteuticario modo postulamus largiri si minime cuiquam per enfiteusin antea sunt largita. Nos qui supra
l.7 nobilis vir Petrus filius Petri qui vocatur de Traversaria et Roza clarissima femina jugalis seu filiis et nepotibus nostris de comune amplexo et qualis ex nobis sine filiis aut nepotibus mori contigerit, integriter succedat ille qui supervixerit seu filiis suis donec nos divinitas in hac luce jusserit permanere, sub denarios sex pensionem
l.8 singulis quibusque indictionibus actoribus sancte vestrȩ Ravennatis ecclesie inferre debeamus, ea vero conditione prefixa ut suprascriptas res nostris propriis expensis seu laboribus laborare, defensare et meliorare Deo debeamus adjutore, nichilque de omni expensa quam inibi fecerimus ab actoribus sanctȩ vestrȩ Ravennatis ecclesie in superius affixa pensione quoquomodo reputari
l.9 debeamus, nullamque tardietatem aut neglectum tam ad inferendam suprascriptam pensionem quamque ad meliorationem predictarum rerum facere debeamus, sed ante nominatam pensionem omni martio mense infra indictionem sine aliqua excusatione aut dilatatione actoribus sanctȩ vestrȩ Ravennatis ecclesie persolvere debeamus, et ne cuiquam
l.10 presens preceptum aut suprascriptas res alicui venundare seu transferre aut in alio venerabili loco relinquere audeamus per nullum ingenium vel argumentum, sed nec aliquando adversus sanctam vestram benefactricem nostram Ravennatem ecclesiam cuiquam contra justitiam tractare aut agere nisi propria causa si contigerit
l.11 per justitiam tantummodo ventilare audeamus. Quod si in aliqua tardietate aut neglectu vel controversia inventi fuerimus extra agere de his quȩ superius affixis conditionibus non solum de hoc precepto recadeamus, verum eciam daturi erimus parti sanctȩ vestrȩ Ravennatis ecclesie ante omnem litis initium aut interpellationem
l.12 pene nomine auri ebrizo uncias quattuor et si non persolverimus multociens dictam pensionem infra biennium ut leges conseunt, tunc post pene solutionem licentia sit actoribus sanctȩ vestrȩ Ravennatis nos exinde expellere et qualiter previderint ordinare, sed et post transitum nostrum quorum supra quando
l.13 Domino placuerit, tociens dictas res cum omnibus quȩ inibi a nobis aucta, facta meliorataque fuerint ad jus dominiumque sanctȩ vestrȩ Ravennatis cui est proprietas revertatur ecclesia. Quam petitionis nostrȩ paginam Deusdedit notario sanctȩ vestrȩ Ravennatis ecclesie scribendam rogavimus in qua nos signum sanctȩ crucis fecimus testibusque
l.14 a nobis rogatis obtulimus subscribendam sub die mensis et indictione suprascripta quarta Ravennȩ.

3