Henri I^er, roi de France, à la requête de Roger, évêque de Châlons[-en-Champagne], confirme les biens de l'abbaye Saint-Pierre-aux-Monts.

l.1 In nomine sanctȩ et individuȩ Trinitatis, Heinricus, misericordia Dei Francorum rex. Quicquid locis divino cultui mancipatis
l.2 pro Dei amore sanctorumque ejus reverentia largiendo conferimus, atque collata confirmamus, profuturum nobis ad instantis vitȩ curricula transigenda
l.3 felicius, atque ad regnum nobis, Christo miserante, a quo illud credimus nobis fore collatum, tutius liberiusque ad honorem suȩ sanctȩ ȩclesiȩ, nostramque
l.4 ac nostrorum fidelium salutem moderandum ac disponendum, necnon ad perpetua permanentis premia facilius obtinenda, incunctanter confidimus.
l.5 Noverit igitur sanctȩ matris ȩclesiȩ, filiorum necnon fidelium nostrorum, tam presentium quam futurorum industria, Rotgerum venerabilem sanctȩ
l.6 Cathalaunensium ȩcclesiȩ pontificem, nobis et rei publicae nostri regni admodum fidelem, nostrȩ serenitatis sublimitatem adisse, et obnixe postulasse,
l.7 quatenus nostrȩ auctoritatis precepto firmaremus abbatiam quandam in honore beati Petri apostolorum principis, a primitiva ejusdem urbis ȩcclesia
l.8 fundatam, et a beato Memmio viro apostolico tunc temporis sacratam, quȩ exigente necessitate rebus suis jampridem expoliata, nunc ab eodem
l.9 episcopo proposse reparatur, et rebus, quas olim amiserat, jure forensi redemptis, renovando iterum ditatur. Cujus supplicationibus tam
l.10 religiosis et devotis assensum prebentes, statuimus et statutum esse volumus, ut habeant ipsi fratres perpetim sine inquietudine quicquid
l.11 ad presens videntur habere, seu de cetero additum fuerit fidelium largitione: in eodem videlicet loco, ubi prefata fundata est ȩcclesia,
l.12 Burgum cum appenditiis suis ab omni, sicut hactenus fuerat, banno palatinȩ potestatis liberrimum, etiam cum foragio; ecclesiam Sancti
l.13 Johannis cum dote sua; ecclesiam Sancti Alpini positam intra mȩnia jamdictȩ urbis, cum adjacentibus mansuris, fornace etiam,
l.14 theloneoque in atrio ejusdem ȩcclesiȩ venundatȩ mercis, et reliqua dote; ȩcclesiam Sancti Germani in eadem urbe positam cum dote sua;
l.15 molendina tria infra civitatem, sinistra ab ortu urbem egredientibus, in valle sanctȩ Mariȩ partem non modicam suburbii versus
l.16 eandem ȩcclesiam porrecti; altare sancti Martini non longe a mȩnibus urbis positum; capturam piscium a Bertrici Corte ad Matosgam usque;
l.17 trans Maternȩ flumen Bertrici Cortem cum terris, exitibus, aquis, pratis; villam quȩ dicitur Vetus Sancti Martini, cum ȩcclesia, terris,
l.18 appenditiis, pratis, exitibus, capturis piscium tum Maternȩ, tum Blesȩ; altare de Villa Receia; altare de Summa
l.19 Vidula; altare de Lonbrau, altare de Sclaron, altare de Solengia, altare de Mairei;
l.20 Giserdi Corte mansum unum cum familia et molendini parte dimidia; Ausorum Corte mansum unum; Wavoreio, villȩ medietatem
l.21 ex integro; Copa terras denarios in censu persolventes solidos decem; Criciaco mansos sex et dimidium; Satureiaco
l.22 mansum unum; Scureiaco mansos duos; apud Mansionile juxta sanctum Memmium dimidium mansum; Fassineriis mansum unum;
l.23 apud villam Vitriacum mansum unum; apud Pontconcin mansum unum; Arseio mansum unum cum vineis; apud villam
l.24 quȩ vocatur Everodt, mansum unum, necnon et fondum in viculo Visneel nomine situm.
l.25 Preterea alia multa, que quomodocumque nominari possunt, ad ipsum locum pertinentia per hanc nostram regalem paginam eidem ȩcclesiȩ
l.26 firmamus et corroboramus. Et ut hȩc nostrȩ ingenuitatis auctoritas rata et stabilis omni posthac permaneat tempore,
l.27 hoc regale preceptum inde conscriptum manu propria confirmantes, sigilli nostri impressione jussimus insigniri.
l.28 Actum Laucduni puplice, anno incarnati Verbi millesimo XLIII, et regni Herrici regis XII.
l.29 [monogramme] [sceau].
l.30 Ego Balduinus cancellarius relegendo subscribsi.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, p. 719, col. 1.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 11, p. 576-577, n° 11.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), p. 67-68, n° 67.