Paris, BNF, coll. de Picardie t. 291 n° 5
Numéro2445
Fiabilité de l'actenon suspecté
Genrecharte
Date1107(fiabilité :texte)
Lieunon identifié
DiocèseLaon
RégionPicardie
Supportparchemin
Chirographienon
Sceau non scellé
Etat de la traditionoriginal
Hauteur à gauche460 mm
Largeur en haut350 mm
Largeur en bas380 mm
AuteurManassès, évêque de SOISSONS
BénéficiaireAbbaye de NOTRE-DAME de NOGENT-SOUS-COUCY
Regeste
Fac-similé
Texte
l.2 Cum omnibus fidelibus per [dispensatione]m nobis creditam debitores sumus, majorem tamen diligentiam his impendere exigimur;
l.3 majore circa eos devotione [astrin]gimur, quos a negotiis seculi se sponte videmus removisse, et ad vacandum Deo et insistendum orati-
l.4-oni quietem et secretum elegisse. Horum igitur quidam, illi videlicet fratres qui in monasterio Sancte MARIȩ apud Noviandum
l.5 monachicam et religiosam agunt vitam, ita nobis et majoribus nostris sua devotione et sinceritate karissimi extiterunt ut eos,
l.6 quamvis intra episcopium nostrum minime consistant, non minus quam nostros proprios honoraverimus, beneficiis quoque et donis auxerimus.
l.7 Quod ergo eis nostra beneficentia pro Dei amore contulit, memoriȩ placuit litteris assignare, ne posteritati quicquam vel igno-
l.8-rantia vel malitia liceat demutare. Preerat siquidem illi monasterio donnus Wibertus abbas, qui sapientia et inno-
l.9-centia sua nos sibi valde conglutinavit, a quo rogatus sum ut altare de villa quȩ dicitur Crecis, quod quidam potentium
l.10 nomine Wido, Widonis de Cociaco filius, ex majorum beneficio a nobis et ab ȩcclesia nostra tenebat, eidem monasterio conferrem.
l.11 Idem enim abbas, religioso quo pollebat consilio, cum predicto Widone tractaverat, ut altare illud possidere laicus periculum
l.12 crederet, ȩgeratque ut prefato monasterio pro salute sua illud redderet, si tamen ego, ex cujus beneficio erat, annuerem et efficerem.
l.13 Ego vero ac libens id effeci, neque enim hoc intellexi beneficii nostri minorationem sed utilem commutationem, et quasi de leva
l.14 transferre in dexteram. Concessi igitur altare de Creci prenominato Sanctȩ Dei genitricis MARIȩ monaste-
l.15-rio, annuente Ansculfi archidiaconi nostri et clericorum nostrorum voluntate, ita videlicet ut cura ejus per manum nostrȩ
l.16 principalis ecclesiȩ decani dispensetur; et inde V solidos quotannis persolvantur canonicis nostris in festivitate sancti GERVASII,
l.17 post mortem vero meam in anniversario meo. Ut autem concessio hȩc cum determinatione sua inconcussa permaneat, ana-
l.18-thematis interpositione confirmamus, sigilli etiam nostri impressione et signis convenientibus corroboramus.
l.19 Signum MANASSE EPISCOPI. [colonne1] Signum Ansculfi archidiaconi. Signum Lisiardi prepositi. Signum Bernardi decani. Signum Petri archidiaconi. Signum Fulconis archidiaconi. Signum Hugonis precentoris. [colonne2] Signum Odonis sacerdotis. Signum Gualteri sacerdotis. Signum Rotberti diaconi. Signum Odonis diaconi. Signum Fulconis diaconi. [colonne3] Signum Ansoldi subdiaconi. Signum Laurentii subdiaconi. Signum Herberti subdiaconi. Signum Gualteri subdiaconi. Signum Adam subdiaconi. [colonne4] Signum Ansculfi acoliti. Signum Ingenulfi acoliti. Signum Durantis acoliti. Signum Leonis acoliti.
l.20 Actum dominicȩ incarnationis anno MCVII, epacta [...], concurrente [...], indictione [...] .
Notes
Bibliographie
DUPLESSIS (T.), Histoire de Coucy, Pr, p. 134, Pr, p. 134.
Responsable
M.-J. Gasse
Comment citer cette notice
Acte n°2445 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2445»[En ligne] http://www.cn-telma.fr/originaux/charte2445/. Date de mise à jour : 29/03/12.