Raoul donne à titre de douaire à Aldegarde, son épouse, la moitié de ses biens situés à Baudiment, un serf et plusieurs biens situés à Candes.

l.1 [chrisme] CUM DEUS OMNIPOTENS PER INFINITAM BONITATIS SUȩ CLEMENCIAM PER UNIGENITUM FILIUM SUUM IN INICIO CREATURARUM MULTIMODAS RERUM VARIETATES
l.2 condidisset ut numerum perditorum redintegraret angelorum, in similitudinem imaginis suȩ hominem cum non esset condidit, de cujus
l.3 latere eodem speculo insignitam mulierem produxit. Sed ne tantum modo in duobus primis parentibus tam magna tamque precelsa creatura permaneret, donum
l.4 benediccionis suȩ quo masculum ac feminam ad propagandam humani generis sobolem copularet dicens protulit: Crescite et multiplica-
l.5-mini et replete terram ac deinceps propter hoc relinquet homo patrem et matrem et adherebit uxori suȩ et erunt duo in carne una. Hujuscemodi
l.6 igitur benedictionibus fecundati patres humani generis genuerunt filios et filias, et propter copulam seminis conpleverunt amplitudinem orbis.
l.7 Igitur ut per spatia seculorum semper crescerunt gaudia nuptiarum, apparuit Deus inter homines natus et homo hominum factor hominumque
l.8 redemptor, qui non solum nuptias non destruxit quas in inicio condiderat, verum etiam per semetipsum sua propria presentia dedicavit:
l.9 ad nuptias in terra temporaliter celebratas venit, aquas ibi in vinum potencialiter convertit, sponsum miraculo suȩ divinitatis exilaravit
l.10 et nuptias quas in initio in reliquum semper agendas in duobus primis parentibus sacrarat, easdem per auctoritatem euvangelii sui et per
l.11 semetipsum confirmavit dicens: Quos Deus conjunxit homo non separet. Talibus ac tantis tamque preclaris omnipotentis Christi auctoritatibus
l.12 munitus et admodum roboratus, ego in nomine summipotentis Dei ipsiusque gratia RADULFUS
l.13 voluntate ac permissu ejusdem omnipotentis Dei, et assensu parentum et amicorum meorum, huic conjugi meȩ ALDEARDI
l.14 cui conjungi volo ex meis amantissimis rebus dotare cupio. Do tibi medietatem meȩ possessionis apud Baudimentum
l.15 scilicet medietatem meȩ partis ecclesie Sancti Germani atque plane terrȩ silvarumque et aquarum, excepta
l.16 tamen exclusa, medietatemque vinearum pratorumque meorum, et in aliis locis perficiam tibi ut septem jugera habeas vineis, VIItemque de pratis. Seinfredum quoque
l.17 cum medietate sue familiȩ tibi concedo. Insuper dono tibi fedum Haenrici Monte Sorelli, atque fedum Benedicti Vasloni,
l.18 fedum quoque Ogerii, atque fedum Walterii, et fedum defuncti Bernardi Calvi. In tua proprietate tibi concedo apud Condatensem
l.19 vicum in fedo archiepiscopi, dono tibi una domum atque consuetudines quatuor burzesiorum circumstantium.
l.20 Hoc ergo quod suprascriptum est per hunc libellum osculi nutu dominorum meorum tibi ad habendum, tenendum, atque
l.21 firmiter possidendum trado.

1