Urbain II, pape, confirme la restitution de biens usurpés faite par Raimond IV, comte de Toulouse, à l'abbaye de Saint-Gilles. L'acte est confirmé au concile de Plaisance et souscrit par plusieurs prélats.

l.1 URBANUS, EPISCOPUS, SERVUS SERVORUM DEI, UNIVERSIS PER GOTHICAM PROVINCIAM FIDELIBUS SALUTEM ET APOSTOLICAM BENEDICTIONEM.
l.2 Notum omnibus vobis volumus, quia dilectus filius noster Raimundus Tolosanus comes tam nostris quam aliorum religiosorum
l.3 virorum monitis excitatus et omnipotentis Dei timore conpunctus, partem immo rapinam quam ex parentum suorum invasione in
l.4 altari sancti EGIDII et reliquis ipsius ecclesiȩ altaribus habere solitus erat, Deo ac sanctȩ Dei genitrici MARIE, sanctisque apostolorum
l.5 principibus PETRO ET PAULO et beato confessori EGIDIO reddidit. Quȩ redditio sive dimissio in Tolosana synodo
l.6 facta est coram legato nostro, BERNARDO, Toletano archiepiscopo, et pluribus [tam episcopis quam abbatibus]. Item in festivitate sancti
l.7 EGIDII coram eodem legato nostro aliisque quam plurimis episcopis vel abbatibus eandem redditionem cum uxore sua
l.8 Hervira, et filio BERTRANNO, super altare beati EGIDII confirmavit, duobus illic nummis Egidiensis monetȩ positis.
l.9 Igitur nos secundum ipsius comitis postulationem pro sua et parentum suorum salute, factum hoc auctoritate apostolica
l.10 confirmamus, et omnipotentis Domini misericordiam deprecamur, quatinus quod de rerum ecclesiasticarum usurpatione hactenus admiserunt,
l.11 sua eis propitiatione indulgeat, et a suorum delictorum vinculis per sanctorum apostolorum et sancti EGIDII merita et preces absolvat.
l.12 Porro tam ipsum quam ejus posteros universos, si altarium oblationem ulterius invadere temptaverint, anathemati
l.13 subicimus et ab universo ecclesiȩ consortio segregamus. Quicumque etiam vel ab ipso comite vel ab aliquo quolibet
l.14 de oblationibus illis feudum tenet, hujus decreti tenore cognito, nisi omnino ecclesiȩ reddiderit, eidem anathemati
l.15 subjaceat. Ipsis etiam monachis sub anathemate interdicimus, ne ullo umquam tempore laicorum cuiquam in ipsis
l.16 altarium oblationibus partem habere permittant. Alioquin et qui dederit et qui receperit, [ana]themati quod proposuimus
l.17 subjacebit. Data per manum Johannis sanctȩ Romanȩ ecclesiȩ diaconi cardinalis, Cremone, XII kalendas martii, indictione IIIa, anno ab incarna-
l.18-tione Domini MoXCoVo, pontificatus vero domni Urbani pape septimo. Relecta vero et confirmata in concilio quod idem papa Placentie celebravit.
l.19 [croix] Ego Johannes Portuensis episcopus cardinalis subscripsi. [croix] Ego Albertus cardinalis subscripsi.
l.20 [croix] Ego Ricardus presbiter cardinalis sancte Romane ecclesie et Massiliensis abbas subscripsi. Ego Bonus senior presbiter cardinalis subscripsi. [croix] Ego Teuzo presbiter cardinalis subscripsi.
l.21 [croix] Ego Gregorius diaconus cardinalis subscripsi.
l.22 [croix] Ego Daibertus Pisanus archiepiscopus subscripsi. [croix] Ego Rodulphus Turonensis archiepiscopus subscripsi. [croix] Hugo cardinalis diaconus sancte Romane ecclesie subscripsi.
l.23 [croix] Herimannus, cardinalis. [croix] Ego Philippus Lunensis episcopus subscripsi. [croix] Ego Aurasicensis episcopus Gilelmus subscripsi.
l.24 [croix] Ego Rogerius sanctȩ Romanȩ ecclesie diaconus subscripsi. [croix] Ego Johannes Portuensis cardinalis episcopus subscripsi. [croix] Ego Willelmus, Ausciensis archiepiscopus cum meis suffraganeis scilicet
l.25 [croix] Dodo Bigorritano episcopo, [croix] Sancio Lascurrensi episcopo, [croix] Ottone Olorense episcopo, [croix] Willelmo Consorano episcopo, subscripsi.
l.26 [croix] [croix] Ego Imolensis episcopus Otto subscripsi.
l.27 [croix] Ego Rodulfus Reginus archiepiscopus subscripsi.
l.28 Petrus Venetus patriarcha, Petrus archiepiscopus Mediolanensis, Gotafridus episcopus Magalonensis, Berengarius episcopus Forojuliensis, Amatus archiepiscopus Burdegalensis, Aldebertus archiepiscopus Bituricensis, Petrus archiepiscopus Aquensis, Fulco Belvacensis episcopus interfuerunt.
l.29 [croix] Tetbaldus Bercellensis abbas laudavit. Poncius abbas Casȩ Dei, Frotardus abbas Sancti Pontii. Isti et omnes archiepiscopi, episcopi, et abbates, in Placentina synodo residentes hanc dimissionis cartam precepto domini papȩ laudaverunt et confirmaverunt,
l.30 ac hujus dimisionis deinceps invasorem vel subreptorem perpetuo anathemati subdiderunt, et monasterium omne si aliquando invasio
l.31 accideret ab omni officio interdicendo cessare jusserunt.

1

JAFFE-LOEWENFELD, n° 5540.

MIGNE (abbé Jacques-Paul), Patrologia Latina 151 (Urbanus II), Paris 1858, col. 399-400, n° 127.

GOIFFON (Abbé Etienne), Bullaire de l'abbaye de Saint-Gilles, Nîmes, 1882, p. 30-33, n° 15.