Thierry, évêque de Verdun, confirme la possession de l'église Saint-Florent [de Maizeray ?] à l'abbaye de Gorze.

l.1 EGO THEODERICUS, SANCTȨ VIRDUNENSIS AECCLESIE DEI GRATIA EPISCOPUS. PASTORALI
l.2 sollicitudine providens ea quae sanctorum predecessorum meorum pontificum decretis olim juste et sancte statuta fue-
l.3-rant, meis quoque temporibus firma et inconvulsa permanere, pro Christi karitate, pro salute animae meȩ proque
l.4 fraterna Gorziensis collegii societate quam habui dum advixi in hujus mortalitatis corpore, in re et in spe, publico
l.5 statui decreto, cartulario roboravi testamento, et confirmavi anathematis vinculo, ut predicti fratres aecclesiam Sancti
l.6 Florentii quae meo subjacet episcopio, verum tamen sub illorum est dominio, absque contradictione et calumpnia archidia-
l.7-coni, archipresbiteri, presbiteri seu cujuscumque hominis, in omnibus decimis, in luminaribus, amodo integre possideant
l.8 jure perpetuo et quieto, ut fuit semper ex antiquo. Hoc bannum si quis infregerit, bannum persolvat, et excommunica-
l.9-tionis vindictam cum Juda et Caypha et eorum sociis aeternaliter sustineat. Amen.
l.10 Hujus rei sunt testes: domnus Adelbero Mettensis episcopus, Milo Virdunensis primicherius, Girvoldus archidiaconus
l.11 Mettensis, Tyetfridus et Richizo capellani, Gotbertus de Aspero Monte, Rofridus de Confluentia advocatus, Adelo
l.12 Otduynus advocatus de Briaco et Vuarnerus frater ejus, Roricus archidiaconus Virdunensis, Rozelinus dispensator
l.13 panis Virdunensis episcopi, qui et centum solidos eidem episcopo portavit ex parte abbatis, domnus Bernerus prepositus Amel-
l.14-lensis. Acta sunt haec prius Virduni, postmodum apud Villam super Erun fluvium coram multitudine nobilium virorum.
l.15 [sceau].