Geoffroi le Fort, seigneur de Trèves-Cunault, et Tehuldis, son épouse, restituent à l'abbaye Saint-Aubin d'Angers une île située à Trèves.

l.1 Notum fieri volumus cunctis sanctae Dei ecclesiae fidelibus tam presentibus quam etiam futuris,
l.2 quod quidam Gausfredus, cognomine Fortis, qui prȩerat castro quod dicitur Trevis, Sancto ALBI-
l.3-NO fratribusque in ejus coenobio ad serviendum Deo constitutis, quandam insulam in eodem territorio sitam,
l.4 quadam vi saecularis potestatis subripuit. Sed postquam diu jus sanctȩ Dei ecclesiae usurpavit,
l.5 timens ne in tanta nequitia deprehensus, ad ultimum damnum animȩ suȩ pateretur, legi-
l.6-tima emendatione quod nequiter tenuerat se restauraturum spopondit. Sed priusquam hoc
l.7 perfecisset, mortali sorte preventus est. Post cujus excessum, ejus conjux nomine
l.8 Tehuldis, sicut vir suus promiserat perfecit, prefatamque insulam SANCTO vidente abbate ac
l.9 fratribus dereliquit, ipsumque abbatem ac monachos exoravit, ut pro defuncto ejus marito
l.10 Dominum deprecarentur, ne pro commisso facinore ejus anima perpetuis pȩnis rea teneretur.
l.11 Quod postquam ita factum est, impetravit prefata mulier a supradicto abbate ut con-
l.12-cederet sibi medietatem herbȩ jamdictȩ insulȩ, eo pacto ut dum ipsa viveret illam medie-
l.13-tatem possideret, ac post ejus excessum, ex integro jus proprium mater ecclesia
l.14 perciperet. Sed ne quis hanc convenientiam ad pristinam injuriam revocaret,
l.15 subteradnotavimus testes, quibus videntibus et audientibus definita
l.16 convenientia firmata est. Fuerunt autem hi: [colonne1] Teodericus abbas, Aimo monachus, Otbrannus prior, Andreas monachus, Gausfredus monacus Sancti Martini, Arnaldus presbiter, [colonne2] Gausfridus filius Kadaloni, Godefredus nepos Gausfridi Forti, Laurentius frater Mainerii, Acfredus vicarius, Tetbaldus de Noviello, Alo Moirellus, [colonne3] Frotmundus, Harierus, Rotbertus, Ulricus, Gauslinus, Rotbertus filius Roscelini.