Otton I^er, roi, décide l'introduction de la règle monastique à l'abbaye Saint-Arnoul de Metz occupée jusqu'alors par des chanoines.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA ORDINANTE CLEMENTIA REX. NOVERIT OMNIUM FIDELIUM NOSTRORUM TAM PRESENTIUM QUAM ET FUTURORUM INDUSTRIA,
l.2 qualiter Adalbero Metensis sedis antistes venerabilis nostram adiit sublimitatem, nobis referens quod canonici monasterii Sancti Arnulfi in ejus episcopatu consistentes, posthabita
l.3 canonice regulae conversatione, laico more vivere maluerunt, quos dum idem episcopus antedictus post creberrimas ammonitiones incorrigibiles esse cognovit, consilio totius
l.4 cleri sui eos inde potius expelli quam inhonestam inibi ducere vitam decrevit. Prelibati autem canonici pro hoc ad nos proclamationem fecerunt, verum nos inutilem eam
l.5 considerantes, flagitationibus prelibati episcopi nostri ceterorumque fidelium nostrorum obtemperantes regia potestate sancimus ut, congregata inibi Deo famulantium honesta congre-
l.6-gatione, ex hoc inantea monachica ibi perpetualiter vita ducatur. Et ut haec nostri precepti auctoritas inviolabilis aeternaliter perduret, manu nostra subtus illud firmavimus
l.7 et anuli nostri impressione corroborari precepimus.
l.8 SIGNUM DOMNI OTTONIS [monogramme] INVICTISSIMI REGIS.
l.9 BRUN CANCELLARIUS AD VICEM FRIDURICI ARCHICAPELLANI RECOGNOVI [ruche] [sceau].
l.10 Data IIII idus januarii, anno incarnationis Domini DCCCCXLI, indictione XIIII, anno domni Ottonis VI. Actum in Vranconevurt. In Dei nomine. Amen.

1