Charles le Gros, empereur, restitue l'abbaye de Saint-Seine au chapitre cathédral de Langres.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS. SI VENERABILIUM PONTIFICUM JUSTIS ET RATIONABILIBUS EFFLAGITATIONIBUS QUAS PRO ECCLESIARUM SIBIMET COMMISSARUM UTILITATIBUS NOSTRIS AURIBUS INTIMAVERINT, AS-
l.2-sensum praebemus et eas ad effectum perpetuae stabilitatis perducere satagimus, non solum in hoc nostram imperialem exercemus consuetudinem, verum etiam hoc ipsum ad praesentem vitam cum felicitate transigendam et ad futuram quantotius beatitudinem capessendam
l.3 nobis profuturum esse non dubitamus. Quapropter omnium fidelium sanctae Dei ecclesiae nostrorumque tam praesentium quam et futurorum comperiat sollertia, quia Geylo sanctae Lingonensis ecclesiae reverendus antistes nostram adiens serenitatem excellentiae nostrae innotuit, qua-
l.4-liter quam plurimae res, possessiones et abbatiae, quae ecclesiae suae exiguitati commissae antiquitus juste et rationabiliter delegatae fuerant, quorundam principum tirannica sacrilegaque temeritate atque inlicita praesumptione sine omnipoten-
l.5-tis Dei respectu substractae fuissent. Hujus itaque rei causa ad nostram se colligens majestatem humiliter postulavit, quatinus pro Dei amore et sanctorum reverentia aliquid ex eisdem rebus vel abbatiis ecclesiae suae per auctoritatis nostrae praeceptum resti-
l.6-tuere dignaremini. Cujus nos laudabilibus petitionibus aurem serenitatis nostrae accomodantes atque in omnibus consentientes et quod quorundam principum tyrannica sacrilegaque temeritas per violentiam abstulerat, ut nos eidem ecclesiae
l.7 aliquid restitueremus bonum in omnibus praevidentes pro amore omnipotentis Dei et sancti Mammetis eximii martyris obtentu, in cujus honore haec eadem ecclesia Lingonensis celeberrime dicata habetur, et pro reverentia beati Jacobi apostoli et fratris
l.8 Domini, cujus brachium in ea conditum est, simul et ob deprecationem Liutuhardi venerabilis Vercellensis ecclesiae episcopi aliorumque nostrorum principum necnon et ob devotionem praescripti Geylonis episcopi abbatiam Sanctae Mariae et Sancti Sequani confessoris in pa-
l.9-go Magnimontensis et in loco qui Siccaster antiquitus nuncupatus est, juxta quem ipse venerabilis confessor decen[tissimo requiescit] honore, cum [ecclesi]is ac omni familia utriusque sexus omnique re ad eandem abbatiam juste et rationabiliter pertinen-
l.10-ti saepefatae ecclesiae Lingonensi, cui jure antiquitus fuerat delegata, per auctoritatis nostrae praeceptum condonamus et in re[dden]do don[atumque in] perpetuum esse de[finim]us, per quod statu[entes dec]ernimus et per nostram imperialem auctoritate[m in] omnibus decernendo con-
l.11-firmamus, ut praedicta abbatia Sanctae Mariae et Sancti Sequani cum omnibus sub integritate sibi aspicientibus abhinc et deinceps ad episcopium Lingonensem p[ertinea]t et quemadmodum aliae res eidem ecclesiae competentes conjunctae sunt, ita eadem illa abbatia ipsi ec-
l.12-clesiae conjuncta et unita habeatur atque sub rectorum illius potestate et ordinatione perpetuo consistat, eo videlicet tenore ut pro nobis atque antecessoribus nostris et conjuge ac prole nostra seu totius imperii nostri stabilitate Dei clementiam haec
l.13 eadem ecclesia assidue exoret et annis singulis die consecrationis nostrae congregationi ejusdem ecclesiae et monachis in monasterio jamdictae abbatiae Deo famulantibus una refectio nobiliter praeparetur et honorifice exhibeatur; post nostrum quoque ex hac vita
l.14 discessum dies anniversarii nostri cum precibus et obtulationibus missarum devotissime recenseatur et haec eadem refectio eisdem congregationibus absque aliqua relaxatione administretur. Et ut haec nostra concessio firmiorem per futura tempora in Dei nomine obtineat vigorem et
l.15 a fidelibus nostris verius certius que credatur, manu propria subter firmavimus et.
l.16 [chrisme] SIGNUM KAROLI [monogramme] GLORIOSISSIMI ET SERENISSIMI IMPERATORIS AUGUSTI.
l.17 AMALBERTUS NOTARIUS AD VICEM LIUTHUVUARDI ARCHICANCELLARII RECOGNOVIT ET S[UBSCRIPSIT] [ruche_notes_tironiennes] [DOMNUS IMPERATOR]
l.18 Datum XVIII kalendas februarii, anno incarnationis domini nostri Jhesu Christi DCCCLXXXVII, indictione IIII, anno quoque imperii domni et serenissimi Karoli imperatoris in Italia regnantis VI, in orientali Francia V, in Gallia II. Actum Scletistat palacio. Feliciter. Amen.

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 246-248, n° 153.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl. 3 (fac-similé).