Engebaud le Breton donne aux moines de la Trinité de Vendôme la forêt de Chatenay.

l.1 Notum sit universis Dei ecclesiȩ fidelibus maximeque hujus loci tam presentibus quam futuris habitatoribus, quod Ingelbaldus qui cognominatus est Brito, et uxor ejus Domi-
l.2-tilla, filiique eorum, Vulgrinus, Fulcherius, et Gosfredus, domino Deo hoc est Sanctȩ Trinitati et loco isti donum simul et auctoramentum fecerunt, sui illius juris, quod heredita-
l.3-rium sibi a predecessoribus suis juste competere videbatur, in foreste quȩ vulgariter Castellanum appellatur, eo tenore ut eam monachi deinceps teneant, habeant
l.4 perpetuoque possideant, extirpandam et agricolandam, in quoscumque usus maluerint ad utilitatem hujus monasterii libere et sine contradictione aliqua redigendam. Utque
l.5 res hȩc firmior omni tempore, penitusque inviolata persisteret, venientes in capitulum monachorum cum predictis filiis suis, et aliquibus fidelium suorum, beneficium loci licet prius
l.6 habuissent, tamen observandum tenacius erga locum eundem et monachos amorem suum, cum eisdem filiis suis qui nondum acceperant gratanter iterum susceperunt, donumque in memoriam
l.7 hujus facti sui manibus propriis super altare dominicum, videntibus etiam memoratis fidelibus suis, pariter imposuerunt. Hujus vero rei gracia monachi cum eis pacti sunt quod post ipsorum obitum orati-
l.8-ones pro eis ita faciant, quemadmodum pro se ipsis agere consueverunt, addito etiam quod eorum nomina in martyrologio scribentur, eorumque anniversarius dies, Ingelbaldi scilicet et uxoris ejus, quandiu monasterium istud
l.9 subsistet, juxta morem annis singulis celebrabitur. Hoc ita esse fideles viri qui interfuerunt, quorum subnotavimus vocabula protestantur. Ipse Ingelbaldus Brito, uxor
l.10 ejus Domitilla, tres filii ipsorum Wlgrinus, Fulcherius clericus, et Gosfredus, Hamelinus clericus, Albertus clericus, Herbertus clericus, Salomon filius Ivonis, Ascelinus
l.11 Jotardus, Fulcradus filius Joscelini bastardi, Rotbertus Brachitus, Odo Grossus, Guidelinus clericus.
l.12 Actum Vindocini in capitulo beatȩ et individuȩ Trinitatis, anno dominicȩ incarnationis MLXX, indictione VIII, mense junio, V idus ejusdem mensis, feria IIII,
l.13 circa horam diei VI, post missam in memoriam et honorem beati Columbȩ abbatis eodem die sollemniter celebratam.